المساعد الشخصي الرقمي

مشاهدة النسخة كاملة : يازين يوم اني انا وانتـي صغار

بدور الكون
15-06-2008, 07:11 AM
مسآكـمـ، خير وبركة
كلمآـتٌ رٍوٍعـهٌُ أعجبتنـيٌ وحبيت انقلها لـ تشآرٍكوٍننيٌ فيهـأإ




http://www6.0zz0.com/2008/06/15/03/607876606.jpg (http://www.0zz0.com)



يازين يوم اني انا وانتـي صغار
توما لبست شماغ وانتي عبــايه..


بالطول مانـــاصل ولا خمسة اشبار
دايم نقـــيس اطوالنا بالمرايــه..


مابيننـــا شيـــن نخبيــه واســـرار
ماغير لعب اطفال كل الحكايــه..


ماهمنا موجز ولا نشرة اخبــــار
التسليه صارت وسيله وغايــه..


وان جا فلم كرتون للقطو والفار
نجلس نتابع قصتــه للنهايـــه..


بالمدرسه نزعل على شان الاصفار
انتي سبب لعبك وانا من غبايـه..


ياما تهاوشنا على كيس فيشــار
انحاش به وافرح بطردك ورايه..


وان قلتي ياعبود ياويلك من النار
اخاف واستسلم وابين خطايـــه..


والى ضربتيني تقــل بيننــا ثــار
وان قلت كافي قلتي ماهو كفايه..


والى خلصتي ضرب بيمين ويسار
اخذتي الفيشار واللـي معايــه..


والى زعلت وقلت ابا اروح للدار
صحتي وقلتي اسفه يا غلايه..


واصدقك وافرح بعد ذيك الاعذار
واجيك لا حاقد والا احمل وشايه..


بس لو اشوفك مع بشر غيري اغار
لو كان اخوي أو من أعز اصدقايه..


واركض لخوك اقول شفها مع اكبار
عشان يفرض لي عليك الوصايه..


هــــذي طفولتـنا براءه وتذكـــار
دايم نحن اليا ذكرنا البدايــــه..


واليوم ابا اكتبها سواليف واشعار
وافكر انتجها بفـــلم وروايـــه..


\\

وسلامتكم
[| البرنس |]
15-06-2008, 08:54 AM
صباحك برائه

الله عليك

قصيده راااااااااااااائعه

ابيات مبنيه على الفطره

بوح صادق

عن جد افتقدنا تلك الاياااااام

ايام لا تنسى لكن نتمى لو ترجع تكل الطفوله وتلك البرائه

ابيات تجبرنا على الوقف هنا لانه ابحرت فينا بعالم الذكريات

سلمتي بدور على نقلك

متميز بطرحك

وماننحرم تواجدك يارب
أمير الشمال
15-06-2008, 05:10 PM
مساء الخيرات صح لسانك اختي بدور وتسلم يمينك
ماشاء الله عليك ذكرتينا بايام الشقاوه البريئه
وذكرتينا باغنيه اولاد حارتنا

لا تحرمينا جديدك اختي ودمتي بكل الود
بدور الكون
16-06-2008, 03:40 AM
مافي احلاء من الذكريات وايام الطفوله
مشكور اخوي البرنس على مرورك العطر
بدور الكون
16-06-2008, 03:41 AM
مساء الورد اخوي امير الشمال مشكور خيو على مرورك
彡الو@و@وتين彡
18-06-2008, 04:56 PM
ماننحرم من الكلماات الاكثر من رائعه اختـــــــــــــــــي بدور وماننحرم من طلتك يالغلا
دالي الرياض
18-06-2008, 07:44 PM
اه ليتني ارجع بزر ايام برائه لا خبث ولاكره ولاحقد الله يعطيك العافيه خيتو