آبـتـركـ لكـ وفـآي آللـي تمـوت ولآ تعــلــمــته... [الأرشيف]

ضـآمـےـي

05-07-2010, 07:25 PM

http://www.9o9i.com/upfiles/zK843414.jpg (http://www.9o9i.com/)

ياقلبي اللي بين الاضلاع ذاوي00واليا لفى ليل(ن) ضيوفي دواهيك
انشدك ياقلب الخطا وين داوي00ليل(ن) طويل وتايهات(ن) مساريك
يا شين هوّد من البلا والشقاوي00وناظر طريقك واحترس في مواطيك
ماكل من تهوى يجي لك مهاوي00ولا كل من تغلي على الود يغليك
ولا كل من صافيت جا لك صفاوي00ولاكل من تبكي على البعد يبكيك
ياطارد المقفي شبيه الفداوي00لوَّك تحاكي صم الاحجار توحيك
ويا ذيب ياللي من على الرجم عاوي00ما اوحيت بالمراقاب ذيب(ن) يعاويك
هو انت طربانن تشيل الغناوي 00 والا رجاوي(ن) على الله يعشيك
والا كواك من المواليف كاوي 00 واللي دهاني ياعكف الناب داهيك؟

ضـآمـےـي

05-07-2010, 07:33 PM

http://www14.0zz0.com/2010/04/26/14/830601592.gif (http://www.0zz0.com)

ماعـاد يرضينـي وفــا ولاعاد يزعلـنـي جـفـا..متساويٍ في خاطري ظلـم العـرب وإنصافهـا
ولا تاقف الدنيا على شمـع الغـرام اللـي طفـى..بعـض الشمـوع أتعمـد كسرهـا وإتلافهـا
من أول لاخفيت لي علمٍ عـن النـاس إختفـى..واليوم هـذي حالتـي مافيـه أحـد مـا شافهـا
قعدت أحسب وش ربحت ووش خسرت ووش صفا..ياحـي روس أموالنـا قبـل الطمـع بأضعافـهـا
عجـزت أدور فـي القلـوب البـاردة ليلـة دفـا..وألقـى إنتهـازات النفـوس وكذبهـا وإجحافهـا
حتى أقرب العالم لـو يوقـف معـك وقفـةوفـا..أصبـر وتـدري وش دوافـع وقفتـه وأهدافـهـا

ضـآمـےـي

05-07-2010, 07:47 PM

http://www4.0zz0.com/2010/04/26/14/711361159.jpg (http://www.0zz0.com)

ياكثر .. منهو .. كان .. ثم كان .. ثم كان
واليوم ... عقب اللي وصل راح ( قفـــّــا )

شفني .. عرفت فلان .. وفلان .. وفلان
ومافيهم اللي يوم أنا .. أحتجت ... ( وفـــّا )

ضـآمـےـي

05-07-2010, 07:58 PM

http://store1.up-00.com/May10/dau49983.jpg (http://www.up-00.com/)

يكفيك يا قلب العنا اليوم تمزيع000راحت شلوحك ف الحنايا طرايد

واطرافها ماعن على الضلع تمييع000من شن بصدري مثل نار الوقايد
اشوف ربعي روَّحو ذبو الريع000والعي عليهم مثل ورق الجرايد
عقَّب علينا عقبهم صوع تلويع000واليوم حزني قصره اليوم شايد
يبني له بروجن ويبني مرابيع000وبدّل زهور القلب شوك الكتايد

ضـآمـےـي

05-07-2010, 08:05 PM

لو قالوا : الضيقه وراها انفراجه
ابطيت أدور .. كيف للضيقه افراج ..؟

الله خلـق للداء ... دايم علاجـه
وانا السكـوت لـ علتي دايم علاج

ضـآمـےـي

06-07-2010, 03:45 AM

http://www.malqinaasm.com/vb/imgcache/42519.imgcache.gif (http://www.bddor.com/vb)

للحزن شيء مايعرفه غير الحزين

كل ماجاء يعبر ضاق

وسكت

ضـآمـےـي

06-07-2010, 03:47 AM

http://dc01.arabsh.com/i/00087/nl6oybiugxw1.gif (http://www.bddor.com/vb)
يآشينهآ لآخنقتك[ العبرهـ ] ولآ بيديك حيله للدموع ..
تسولف وتضحك عآدي وضحكك تخـتمه [ شهقآت] !!

ضـآمـےـي

07-07-2010, 12:48 AM

http://www.9o9i.com/upfiles/l6949232.jpg (http://www.9o9i.com/)

ياماخذ القلب قلبـي ويـن وديتـه
نطرت قلبي يجي منك ولا جانـي !

رحت اتحراه يرجع والحشـا بيتـه
والظاهر بقربك ارتـاح وتناسانـي

وشلـك بقلـبٍ تضمـه ماتمنيتـه
عادي تضمه ! وعادي تضملك ثاني

ماخفـت ربـك وقلبـي ماتبنيـتـه
غيرت قلبي على ورحـت تجفانـي

ابيك تذكـر وشلـي معـك سويتـه
راجع ضميرك ورتب جمله أحزانـي

حتى الشعر فيك ضحكتـه وبكيتـه
يضحك على شانك ويبكي على شاني

في داخلـي لـك كـلامٍ ماتهقويتـه
كلام لاجيت أقولـه يثقـل لسانـي

كلام فالصـدر مـن سبتـك كنيتـه
عجزت اقوله ماكن لساني حصانـي

حبل الوصل من يدينك ليـه هديتـه
حاولت أشيله ولاكن طاح ما أمداني

وقفـت حتـى مكانـي ماتعديـتـه
كن الصبر مرنـي عجـل وتعدانـي

فنجان فرقاك من صـدك تقهويتـه
والحزن غيم على الصدر وتقهوانـي

على كثر مانزف جرحـي وداويتـه
على كثر ماندمت وقلت وشـجانـي

الله يسامحـك قلبـي ويـن وديتـه ?
والله يسامحه قلبـي ويـن ودانـي ?!

ضـآمـےـي

09-07-2010, 09:59 PM

http://www.9o9i.com/upfiles/55v97996.jpg (http://www.9o9i.com/)

جيت المكان.ولفني صمت وهيام

ورجعت بالذكرى لوقتن مصافيه

وقمت اتذكر يــــــحمد ذيك الايام

وبحرت في ماضــي طوتني لياليه

هنّيا جلسنا نسهر اللــــيل مانـام

وهنّيا تبادلنا العــــــــتب والمشاريه

وهنّيا مسحت الدمع بطراف الكمام

ايوالله هنـــــّـيا ولاني بنا ســــــــيه

ايام مـــــرت كنــــها طيف الحــلام

يومـــه مصافيني ونا كنــــت مغليه

ليت الوصل ياخوك مـــن بيننا دام

وليت الزمن ياخوك بين خوافيـــــــه

ولحين شفني من عنى الحب منضام

وقلب الشقى ياخوك لجله مـــــــعــنيه

ضـآمـےـي

10-07-2010, 03:51 AM

اليوم مالي نفس آكتب آي شئ حبية آضع هالبيتين في مدونتي وهي من نزف قلمــي

انا فيني قلب وآحساس ومشاعر..وانت فيك القسى اللي ماله حدود
خليتني من سبايبك يازين شاعر..وبيحت كل الخافق ومابقى سدود

ضـآمـےـي

04-08-2010, 01:51 AM

http://www.9o9i.com/upfiles/yG372197.jpg (http://www.9o9i.com/)
انا كتوم اخفي عن الناس همـي00من شافني يقول خالي من الهـم
مايدري انه ساكنن جوف دمـي00لواعزله يشوفه اكثر مـن الـدم
اصبح مخاويني تقول ابن عمي00وانا جبرته لا يّعلم هـل النـم
وقت المنام ألحفه حيـد كمـي00واليا صحى من نومته قالي قـم
واصبر عليه بذكر ربي واسمي00اللي يفرج ضيقتـي لا تراكـم
مره يزعلني والاخرى يظمـي00وفراقه ابركلي واشوا من الظـم
ياما نصحته روح ماباك يمـي00مانته محصل عندي ابشر ولاسم
قال انت طبعك زين لي ماتذمي00كتمتني داخـل ضمايـرك لازم
قلت اه كم حاولت تنطق بفمـي00وانا عليك مسوي اصـم وابكـم

ضـآمـےـي

31-08-2010, 11:09 PM

http://farm4.static.flickr.com/3147/2293887587_c8b5b9c10d.jpg

ياصآحبي مـن نـآر الحـــــب غنّيـت
.......وصوتي مـن الشــوـوق كاسيـه بحّـه

ياليـت يجمعنـي بـك الوقـت ياليـت
........جوارحـي فـي أمـر شوفـك ملِحّـه

ظلّلت قلبـي ليـن انـا معـك ظلّيـت
......بعدك.؟ مرض قاتل / وشوفك مصحّه

ضـآمـےـي

31-08-2010, 11:16 PM

http://th01.deviantart.com/fs18/300W/f/2007/123/6/4/waiting_by_xucra.jpg

أكبــر مصيبـــه بالزمن تنفــرض لك
مــوت الوفا في واحــد واثــــق فيــه

واللي يسبب حيــرتك والمـــرض لك
زود الجفـــا مــن واحــد كنت تغليــه

والثالثــه نظـــرة عيــون البعض لك
يخفـــون حقــد القلب والعين تبديــه

والـرابعه لاجيت شخص ونهض لك
ولا رحت سفه بك مع الناس تسفيه

أربــع مصايب كلــــها تعتــرض لك
والثانيــه هي سبــة الحــزن والتيـه

ضـآمـےـي

05-09-2010, 03:15 AM

http://www.9o9i.com/upfiles/uJP36443.jpg

واوجودي وجد ورع صغيرا مات ابوه
لا ضـاوه الليـل جـر الناوعـي يحتريـه

فـاقـد شوفـه واليـا صـاح قالـو سكـتـوه
قالو اسكت وش تبى قال وين ابوي ابيه

طـال صبره ينتظر وان نشدهم صرفـوه
مادرى ان الوقت حـده على الي مايبيـه

عاش عشر سنين مع عشر وهم ماخبروه
قـال ويـن ابـوي يـمه وهـي تبكـي عليــه

عـقـب صـبره طـال ربعـه لفـوه وعلمـوه
ثم رضى بالامر من دون ليش ودون ليـه

قــال مـن ذبـاح ابـوي وقـالـو لـه اخـــوه
السبـايب كـلهـا ورث عـودٍ طـمـع فيـــــه

صاح بـ اعلى الصوت واقفو وراحو واتركوه
اخـر الايـام عـمـه طـلـع ذبـاح ابيــــــــه

إإايـه وجـدي مثـل وجـده لكن مالاحضـوه
وجـد منـهـو رح مشتـال حـتـفـه في يديـه

ضـآمـےـي

06-09-2010, 06:31 AM

ما يجلب احزاني ولا يشغل الضيم=غير الزمان اللي رضى لي بالاحزان

في صفحه المااضي جروح الهوى غيم=تمطر على الذكرى توجد وحرمان

ذكرااه تعزف وسط قلبي تقاسيم=لحن الغرام اشعل مصاابيح الاشجان

قصه عذاب لو قروها المظاليم=صارت لمجروحين الاحساس عنوان

عاشت بروح عاندتها المقاسيم=تزرع وفا تجني حجود ونكران

اشكي دهر روحي على هاطل الديم=يعلهاا من الريح العطف هتان

صرخه شقاا لو غيرتهاا المفااهيم=تبقى عذااب انساان في قلبه انسان

ضـآمـےـي

06-09-2010, 07:44 AM

http://www.youtube.com/watch?v=UlaZkueU-cY&feature=related

ضـآمـےـي

07-09-2010, 09:06 AM

خلني" ساكت "..ولا تبحث في خفاي

.......... من زمان وقلبي .. في صدري" جريح"

"العطا" طبعي .. وهو سبة بلاي

.......... مادريت ان" الزمن" ..طبعه شحيح

و"الخطا".. اللي هو صدق قمة خطاي

.......... اني اتعب.. لاجل" غيري" يستريح

ضـآمـےـي

07-09-2010, 12:00 PM

لي قلب من كثر ما يخـاف الغيـاب إنصهـر
................. يالين ما ضاقـت بعينـه وسـاع الفجـاج

وعلى كثر ما يهوجـس بـه بسـر وجهـر
................. أزرى لا يلقى عن جروح المفارق عـلاج

لو كان به حيل .. ما صاحت عروقـه قهـر
................. ولا كانت ركاب حزنه فـالحنايـا هجَـاج

ولوٌ الموادع ما هو كايـد وكسـرة ظهـر .؟
................. ما شفت في نظرة حروفه رجى وإحتيـاج

اللي على شان وصله سقـت عمـري مهـر
................. مالي على أيامي السودا لا غـاب إحتجـاج

إيغيب يومين .. واحلف لـه فقدتـه شهـر
................. الشوق كافر .. وأنا عالصبر مالي مـزاج

وانـا ليـا يبسـت عيونـي حنيـن وسهـر
................. جيٌته ما كنٌهـا إلا الغيـث عقـب العجـاج

ماني بميـت ظمـا.. لا صـرت عنـدي نهـر
................. الموت لا ذقت من .. عقب القراح الهماج

ولك حق يا قلْـب لا خفـت المفـارق دهـر
................. ما دام ما انته بلاقي لـ( المفارق علاج )

ضـآمـےـي

09-09-2010, 03:48 AM

النفس ترضا بـــ / الخطايا البيض لكنَي جفول ..!
.......... أخاف لا يكبر [ خطا على خطا ] ويذَلها ..
من عهد ابوي ، وعهد ابوك ، وعهد ما قبل الرسول
..........والع ـشق ينبت بـ / الضلوع الحدب لين يسلَها ..!

ضـآمـےـي

09-09-2010, 04:24 PM

محد ٍ سهر في جروح العاطفه كثري .. .
........... ومحد ٍ سرى في وريدي و أوجَعّه كثرك !

من علّمك تزرع [ السكين ] في صدري ؟
........... وأنا أتحاشى مرور الآه في صدرك !!

إن مات فيني الوفا للحب لي عذري ،
........... وإنت إن صَحَت ذمتك .. . بالله وش عذرك ؟!

ضـآمـےـي

09-09-2010, 04:26 PM

من كثر مافيني من الحـزن مرّآت
................. أحس حتى اللي { معي } مآيبـيني ,,

ولاّ وش اللي حدّني / بعض الاوقـآت
................. أرمي على راحة يديـني ... جبيني ؟!

ضـآمـےـي

10-09-2010, 01:03 PM

انشد الخفاق عن حبك ويعطيك الضمان
ولا لساني أتركه لاهنت . ( ممنوع الحرّج )

ماصدق من قال مافي القلب يبديه اللسان
شوف قلبي مات بك . والا لساني . ما هرّج

ضـآمـےـي

10-09-2010, 05:45 PM

غرتني الايام بـ إقبالها يوم
و أثر النكوفه عند الايام عجله

جتني لياليها على دف ونغوم
و أثر الليالي بالغرابيل جزلـه

فرحة نهار عقبها ليل وهمـوم
من يوم جد البعد محبوب وصله

فرقا الضحى تسهل على باقي القوم
لكن على الخلآن ماهي بسهله

ماهمني بعد المسافات معلوم
لا شك بعد القرب للصف قتله

راعي الهوى من راحة البال محروم
قربه وبعده ناار ماينعرف له

عزالله اني في ضبي نجد مغروم
راعي العيون الي مع الزين خجله

من حبهم كني من الحب مظلوم
نفسي عليهم يا هل العرف وجله

ضـآمـےـي

11-09-2010, 09:43 AM

‏‏‏‏‏‏‏‏الدمع يدور للسبب والضيق مامنه مطير
وعيون خلق الله تحرى دمعتي واخفيتها

بغيت أهل الدمعة اللي كنها دمعة غرير
لكن ذكرت أغلى من الدمعه ولا هليتها

ادخل على الله من ردى حظى وتانيب الضمير
ومن كلمة ازريت لاانطقها ولا كنيتها

ومن طيحة عزوم الكبير اللي خلقه الله كبير
وحاجة يمين لاحشمت افعالها كفيتها

تطري علي ثنتين وتكويني على الضلع القصير
الاوله في خاطري والثانيه ياليتها

مابينت خلة عزيز القوم في عين الضرير
اللي عيونه شافت الخله وانا ماريتها

لا حسبي الله كل ماوردتها جال الغدير
راحت ماكني من ظما غبر السنين اسقيتها

ماخذت منها غير عشقي دانة البحر الغزير
يوم لعيونها خليت أغلى ماملكت وجيتها

ضـآمـےـي

11-09-2010, 09:46 AM

ليلة البارح على وجهك قريـت
حيرة مانـي بعـرف اسبابهـا

جيت ابسأل عن سببها واستحيت
خفت من عينك تهـل اهدابهـا

بس ابنشد ليه اخذت ولاعطيت
وليه نفسك طاوعت في غيابها

ولو تدور عذر مقنـع مالقيـت
ميـر شـب النـار ياشبابهـا

ضـآمـےـي

13-09-2010, 04:22 PM

http://rakanalmotere.jeeran.com/mhmad-Alsdere.htm (http://rakanalmotere.jeeran.com/mhmad-Alsdere.htm)

ضـآمـےـي

15-09-2010, 01:21 PM

هذي محآوره بيني وبين وآحد من ربعي حبيت آضعها بين آيديكم وآمام آعيونكم وآتمنا آن تعجبكم00

اخليكم مع المحاوره

سلطان
تعال ياصاحبي خالد وبسم الله00الزير في خاطره موضوع(ن) آحتله

خالد
الزير جاني وانا مآني بـ فاضله...جاني وانا منشغل في عرس عبدالله

سلطان
الزير واصلك ياخالد ترقبله000وانته تعرفه شجيع وسيفه يسلـه

خالد
الزير رايح ضحيت عبد وش هله...طول السوالف ترا مآهي على المله

سلطان
انا وكيله وانا لـ سيف كفوله000لاكن دل السنع ياصاحبي دله

خالد
آنته شجيع(ن) ولكن سيفك انتله00مير انصحك خالها مير آنصحك خله

سلطان
آنا وصلتك وقلبك جاته الذله000وشلون تاخذه وانته دمعك تهله

خالد
دآم الدعاوي تطول الدله الدله00قم قهوني ياصحيبي وانت كفوله

سلطان
الدله مهيله والطيب مامله00لكن عطني علومك والردى خله

خالد
دامك عرفت السنع وحجاجك تفله00الصاحب نقدره والا الردي نعله

سلطان
انا مع اهل الوفاء ياريس الشله00والا الردي لو يجي ماني صحيب له

خالد
يا صاحبي للوفاء بير(ن) وعدله00آشرب قراحه ودبجه آتركه كله

سلطان
انا فصيح(ن) لساني وآنت ترطله00لكن جيب العلوم وهاك وصله

خالد
دآمك رفعت الخشم خشمك له السله00واليا عقدت الحبل ياصاحبي حله

خالد المطيري / سلطان المطيري

ضـآمـےـي

26-09-2010, 11:41 PM

http://i30.photobucket.com/albums/c331/worod/bird4.gif (http://www.bddor.com/vb)

ياطير خذ ردي ورده لـ منشـــاه
للي عطاك القـــاف وانا قريتـــــه

أخــذ الخبــر ياطيـر وده وتلقـــــاه
عطه الخبر لو كان في وسط بيته

قلــه ترا مــن عقبــه النوم عفنــاه
والجفن من بعـــده تـرا ما غفيتـــه

وقلــه تــرى خلــه من العــام يبغـاه
والله ما اذكر في زماني عصيتــــــه

ولدري وش اللي صارفي وقته وجاه
يهــــــدم وانا بعــــده وصلـت وبنيتــه

يكسر جسور العشق والحب ينساه
وش هالحياه إن كان حبي نسيتـــه

واول ماجــاء للقلـــب رحــــب وحيــاه
وللحيــن في قلبي تــرى مامحيتــــه

وهذا جوابــي ياابــرق الريش ونصــاه
لاصـــار يفـدانـــي تـــرانـي فديتـــــــه

بـ قلمــي

ضآمــــــي,,

ضـآمـےـي

27-09-2010, 12:10 PM

http://www.9o9i.com/upfiles/MGZ72101.jpg (http://www.bddor.com/vb)

الصدر ضاق وراح من عيني النوم
مغيـر افكـر وين حضــي رمانـــــــي

اخذتلــي يوميـن والثالـث اليـــــــوم
جالس لحالـي واتصــور زمانــــــــــي

وش فيك ياحضي مع الناس ماتقوم
خليتنــي بـين الرجــا والأمانــــــــــي

الناس وصلت للقمر وانت مشئوم
ادخل مع العالم وخلك حصانــــــي

وإلا انت ياقلبي على الصبر ملزوم
ترى الزمن يبغى وسيع البطانـــــي

سلوف مع الأجواد لو كنت مهمـوم
لو تشتكــي لناس حطوك جانــــي

احفظ اسرارك وسط صدري عن اللوم
ترى الزمـن مالـه امــان وضمانـــــــي

الهـرج واجـد وانت ياقلب محشــوم
ريح ضميري وانت حاكــم لسانــــــي

والحين ياعينـي ترى جاني النــــــوم
طالبك ساعه ماأخبرك تعصانــــــي

بـ قلم

ضآمـــي

ضـآمـےـي

28-09-2010, 11:12 AM

http://www.9o9i.com/upfiles/xYw55859.jpg (http://www.9o9i.com/)

من بعدك انته الحال كني بلا ضلوع
.................الهم فيني بيت وهمومي قلااااعي
ماااا كني الا طفل تايه من الجوع
................يشكي ولا من يفهمه يوم يلتااااعي
يا غير يبكي وعينه تهل بدمووع
...............قاااصر عن التعبير واوجاعه اوجاعي

ضـآمـےـي

28-09-2010, 11:12 AM

http://www.9o9i.com/upfiles/kx657710.jpg (http://www.9o9i.com/)

أسهرتنـي يا غـلا والنـاس هـجّـاعِ
والنـوم عـنـي جـلا يا زيــن الأطـبــاعِي

الهم منـك اعتلى والصد بك شاعِ
ما قلت لي وش بلا العهد منك ضاعِي

من بدّ كـل المـلا عـيني لك تراع
يا كـامـلٍ بالـحـلى ما للـجـنا داعــي

ارجع ترى لك وله من بين الأضلاعِ
إن جـيت لي يا هــلا مانـي بـطمـاعِي

ضـآمـےـي

28-09-2010, 11:39 AM

http://www.9o9i.com/upfiles/NzW59465.png (http://www.9o9i.com/)

ضـآمـےـي

28-09-2010, 03:32 PM

http://www.9o9i.com/upfiles/7yw73390.jpg (http://www.9o9i.com/)

قلت ماقصدك تجرحني وصار
كيف لو هي رغبتك وشهو يصير

كان اشوفك ليل في وضح النهار
يسرقه البسمه من الطفل الصغير

المحبه بردها بالروح نار
وانت تدري بس ماعندك ضمير

ياحبيبي عمرنا ايامه قصار
احتفل في يوم ذكرانا الكبير

وافهم اللي صار مافيه اختيار
مثل ماحبك تملكني كثير

وخوذ مني كلمتين بإختصار
فاتح العشاق بالفرقا ضرير

ضـآمـےـي

29-09-2010, 03:21 PM

http://www.9o9i.com/upfiles/5BA59014.jpg (http://www.9o9i.com/)

شمس المحبة للغياب استعدت
ولا عاد لي في ظل رجواك مقيال

وارياح شوقك كان صلفه وهدت
واظلال عهدك يوم طال المدى مال

و بدو الهيام من المعاليق شدت
و الشوق مثل البدو نازل و رحال

و كبدي لكل ارماح صدك تصدت
و القلب عز الله للحزن خيال

و العين بدموع الحسايف تبدت
والحال ويش الحال ما عاد به حال

روحي على مشراف الاحباب عدت
عـدت و لكنها مـع راس هيال

تحبنـي لكـن عزومـك تـردت
ما حتالت بـ وصلي مثل ما أنت محتال

ضـآمـےـي

29-09-2010, 03:25 PM

http://www.9o9i.com/upfiles/sR459432.jpg (http://www.9o9i.com/)

الله يصبر قلبي الي خذيته
والله يعين الشوق من ظلم الايام

شفني بعد مارحت عني وجفيته
تايه حبيي وضايعن بين الاوهام

يادمع اشهد شنهو الي عطيته
وياحظ اشهد القى مثل الاحلام

يانور عيني ناظري مالقيته
صرت الكفيف الي يناظر بالاقلام

الشوق فز وقال والله جيته
والقلب رد وقال فاتحله الجام

الليل صاح وقال عينك سقيته
والحظ الاغبر مخفي الجرح بالخام

حتى عذاب البعد منك رضيته
ورصيد حبك ماتساويه الارقام

الحال ماش وقلبي الي رميته
بتشوف منه الوفا لين قدام

مدام فيني جرح منك بريته
خل الجروح الباقيه تصدر إعدام

ومدام ذقت الهم وشفتك نسيته
قل للهموم الثانيه خلك اعوام

يعينه الله قلبي الي خذيته
ويصبر الله شوقي من ظلم الايام

ضـآمـےـي

30-09-2010, 06:03 AM

http://www.9o9i.com/upfiles/mKs12173.jpg (http://www.9o9i.com/)

كل مامديت وصلي تجازيني صدود
واتعــذر عنك واقـول مدري وش جــرا ؟

ماطرى لي غير حبك وانا مالي جحود
وانت مدري وش طرى لك لكنّ اللي طرى

بيـت حــبٍ مــس حبـلـه وشـيّـده العـمـود
ولك خفوقي فرش والصدر وضلوعـه ذرى

مستـلـم صــك المشـاعـر وثـبّـت الـقـيـود
وانقطع قلـبي وصــدري مـن الشـوق انفـــرا

دايـمٍ تخطـي واسامـحـك مــن قـلـب ودود
وادمح الغلطـه ليـا جـات كـن محـد ٍ درى

اتغـاضـى عـنـك لـكـن تـعـديـت الـحــدود
ويش اسـوي معـك والصـد والهجـر جهـرا

كل مـا ظنيـت بـي ظـن يرقـى بـك سنـود
وانـت ظنـي فـيـك قــدام وتـعـوّد ورى ؟

لا متـى وانـا اتـرجّـا الوعـايـد والعـهـود
لا تشـالا الجـرح الاول تبيـعـه مــا بــرى

وانـت توعدنـي وتقفـي وتخلـف بالوعـود
والمولـع بانتـظـارك ســرى ليـلـه ســرى

دام في سوق العشاشيـق مـا تقـدر تجـود
سوق حبـي معـك مـا فيـه بيـع ومشتـرى

هات ما عندك من الصـد وانـا اللـي بـزود
ليـن تـدري ويـش معنـاة مـردود البـرا !!

ضـآمـےـي

30-09-2010, 10:16 AM

http://www.9o9i.com/upfiles/Akp27337.jpg (http://www.9o9i.com/)

وآدعني وسلّم وخلاّنـي وراح
وانــا عـلــى قـــوّ المـعـانـاه صـابــر

يـقـول لــي مـرتـاح واقـــول مـرتــاح
وان جيـت تلقانـي علـى منـت خـابـر

واغرورقـت عينـاي بالمـا ولا طـاح
صـديـت صــدّة مــن تحـمّـل وثـابــر

مابـي الحـزن يستوطنـه ليـن يجـتـاح
ويلقـى علـى صـدره دروب ومعابـر

غير التزمت الصمت والصمت ذبّاح
شف كيف عيّشني مـع اهـل المقابـر

لقيـت فـي مشـواري اتـراح وافــراح
ولا لقـيـت لكـسـر الاحـسـاس جـابـر

ضـآمـےـي

30-09-2010, 10:39 AM

http://www.9o9i.com/upfiles/GV826242.jpg (http://www.bddor.com/vb)

اضحك وداري همومي كل مابانت
واسج لاضاق صدري فالخلا الخالي

امّا اجوس الوسيعه كل ما شانت
ولا تنادمت لا ضاقت مع دلالي

لاقلت هانت يقول الليل وش هانت؟
وأن قلت سهله يقول القلب شف حالي

اضحك لو إنّ القطيعه بيننا بانت
اخاف لاسكت تجيب العين همّالي

ضـآمـےـي

30-09-2010, 10:44 AM

http://www.9o9i.com/upfiles/UdM28607.jpg (http://www.9o9i.com/)

لوتهذي بصوتك ترى ماسمعناك
خل الصدى من عقب صوتي يسليك

رغم الندم لو تندم الدهر بنساك
وعلى عمى سود الليالي بخليك

أنسى وداد بالمحبة عطيناك
واللي مضى واللي انقضى بس يكفيك

مات الغلا في خافقي من جفيناك
حتى المشاعر ترفض اليوم ترثيك

ضـآمـےـي

01-10-2010, 09:15 AM

http://store2.up-00.com/Sep10/14v10042.gif (http://www.up-00.com/)

شي يخصك باقي عندي قلب من غيرك وحيد
ما يبي يبقى معاي يا تجيلـه أو يجيلك

يسألوني الناس عنِّك وليه ما أكتب قصيد
قول لا تسكت تكلَّم وش أجاوبهم دخيلك

إختلفنا وماعرفنا شنهو الراي السديد
يا تضحِّي في عنادك أو أضحِّي في سبيلك

ليه كل عيد إنتْـفارق صرت أكرَه كل عيد
وإنتْ فارق في غلاتك وقلبي ما عنده مثيلك

المشاعر من غيابك يا دفا إحساسي جليد
طحت من عيني لـ قلبي وما قدرت إنِّي أشيلك

يشهد الله من رحلت وفي حياتي لا جديد
وكل ما ألمَح سرابك أرتبك الله وكيلك

حالتي صعبه بدونك وكيف حالك يا بعيد
أشتكي منِّك إليك ومن جروحي أشتكيلك

والله ما قصرَّت فيني بس ودِّي لو تزيد
يعني إذبحني وكمِّل يا بعد قلبي جميلك

أدري غلطاتي كثيره وفوق كل هذا عنيد
وش تسوِّي هذا حظِّك رغم زلاتي خليلك

أقتلك لا من خطيت ويا عسى عمرك مديد
و أعذرك لو كنت قاتل لأنه يستاهل قتيلك

ويلي منِّك لو نسيتك والزعل طبعاً شديد
ولو أحس لحظه بـ أنِّك منشغل عنِّي يا ويلك

كل عاذل جاك بَعْدِي وقال لك إنِّي سعيد
ما صِدَق وين السعاده والحزن شيَّد رحيلك

وكل عاذل قال عنِّي شي إحساسه بليد
ما قدر ياخذ كثيرك صار يطمح في قليلك

وكل عاذل إن عطيته وجه ورَّااااك المزيد
لو يقول إنَّه يبيلك خير والله ما يبيلك

جيتهم طيِّب وأدري في زماني ما يفيد
وش حصيل الطيب فيهم ومن فراقي وش حصيلك

بترك الدنيا عشانك دام هذا ما تريد
ويا عسى كلمة عشانك تشفي يا روحي غليلك

الدليل إنِّي أحبك صرت أحسِّك بـ الوريد
وأدري في قلبك يحبني دون ما أسمع دليلك

في عيونك صرت شاعر واصل القمَّه فريد
وصرت تسوى في عيوني كل بَني جنسك وجيلك

مثل قلبك ما ألاقي ومثلي ما تلقى أكيد
يعني ما عندك بديل ومستحيل ألقى بديلك

يا غزال شُوف قلبي ما يبي غيرك يصيد
ولا بغيتك أدري وينك أسمعك وأتبَع سليلك

إجلس بـ عرش الفؤاد ولك أحاسيسي عبيد
وإعتبر حُبي نهارك وقمرةٍ تضوي في ليلك

ياللِّي شيَّعت المفارَق إشرَب وصالي و أزيد
خذ دفا إحساااسي و إدفا كان بردك هد حيلك

يا أجيلك أو تجيني .. هذا .. هو الحل الوحيد
وإنتَ قرِّر يا حبيبي ..يا تجيني يا أجيلك

ضـآمـےـي

01-10-2010, 09:56 AM

http://store2.up-00.com/Sep10/y2F07087.jpg (http://www.bddor.com/vb)
لا صرت ما تقبل على القلب وش عاد
لوهو عليّه مقبل الكون كله

حبك صدفه القلب من دون ميعاد
وامسى بحبل الشوق يمك يتله

يا تل قلبي كل ما جيت بعناد
وروّحت والضيقه بصدرك مطله

القى من الاحزان للبال جلاد
ويزيد فوح الصدر منها وغله

فزّعت صبري لكن الصبر ما فاد
قلب المهاوي كل طاري يدله

يغيب عن ناسه ويقنع عن الزاد
واليا اشتحن صدره من الماء يبله

يا طاري الماء كم تمنيت ميراد
عمر الظمأ ما احسن لشحه وقله

تعال وثياب الغلا ماهي جداد
تعال دوله عامره مستقله

اشوفني محتاج لوصال وابعاد
وصالك وبعدن عن الكون كله

ضـآمـےـي

01-10-2010, 06:09 PM

http://store2.up-00.com/Sep10/tsd42032.jpg (http://www.up-00.com/)
للي درس في مدرسة جور الأيآم
تكفيه وإللّي مآدرس يستمع لي

أنآ درست بصفهآ عدة أعوآم
ۈأربع درۈس إللّي زمآني جمَع لي

آلدرس آلآۈل يوم عضيت الإبهام
ۈآحد من آلميه إللي فزع لي

ۈصدآقة آلبآقين تمثيل ۈ أۈهآم
مثل آلسرآب يذۈب لو يجتمع لي

ۈثآني درۈس آلوقت مآ أحطه حزآ
من عدّ غلطآتي ۈلآ عد فعلي

ۈثآلث درۈس آلوقت أصدرت الأحكآم
مآ أخفي على درب آلمقفين نعلي

إن وجهوا يم آليمن وجهت للشـآم
ۈآلدرب من فضل آلولي متسع لي

ۈرآبع درۈس الوقت ثبت آلأقدآم
على جبآل آلعز مآ آحدن شفع لي

من فضل ربي يوم حقّقت آلأحلآم
وإللي يـدور خوتي يرتفـع لـي

ضـآمـےـي

02-10-2010, 09:46 AM

http://store2.up-00.com/Sep10/cEM98234.jpg (http://www.up-00.com/)

لهاجس اللـي حـط قلبـي مقـرا
حاولت أصده ليـن بانـت مواريـه

ذي حزته لو غـاب قمـت اتحـرا
واقول وينه خير وش عاد ملهيه

حتـى ولـو حاولـت منـه اتبـرا
كن الخفـوق يلـد صوبه ويدعيـه

يجـر قلبـي مـن محانيـه جـرا
جر الرشا بيدين صلـف المشاريـه

ضـآمـےـي

09-10-2010, 03:39 PM

http://store3.up-00.com/Oct10/xnF23835.jpg (http://www.up-00.com/)

لحف يتآمى غيبتك و أفهق آلبـرد
و أترك شتآك آلصلف بين آلحنآيـآ

مآت آلكلآم و لآ بقى للحكي سرد
خل آلقصآيـد تنحنـي للخفآيـآ

صآرت مرآبيع آلأمل كلهآ جـرد
لين أبتدآ فجر آلدمـوع آلعرآيـآ

أقولهآ و آلشوك مآ عذرب آلـورد
من زفرة خلت ضلوعـي ضمآيـآ

إليآ سقآك آلوقت يآ معذبـي بـرد
أركز جروحك في صميم آلحنآيآآآآ

ضـآمـےـي

10-10-2010, 02:00 AM

http://www.zilfawi.com/vb/imgcache/67742.imgcache.jpg (http://www.bddor.com/vb)
آه ياسود الليالي ويـن اداوي هالجـروح
علميني كيف اداوي هالجـروح الموجعـه

وين ياسود الليالي طال مشـوار النـزوح
مغترب في وسط دنيا صوت ماحد يسمعـه

ضاعت احلام الشباب ولا بقى فيني طموح
والامل ضاع وتبعثر كيف واشلون اجمعـه

غامض دربي وانا اللي واضح كل الوضوح
دنيتي كف بلا ابهـام واصابعهـا اربعـه

كم كتمت الهم لكـن قلبـي بهمـي يبـوح
لين طفى دمـع عينـي شمعتيـن مولعـه

بعض اصحابي سئلوني وينه الوجه المزوح
وبعضهم راح وتركنـي مالحقـت اودعـه

آه ياكبر الالم لاصـار لـك قلـب سمـوح
بين ناس قلوبهـا بالغـدر يمـك مشبعـه

ياليالي وين اسافر من عذابك ويـن اروح
والتذاكر همـي وجرحـي بقايـا الامتعـه

ضـآمـےـي

14-10-2010, 01:01 AM

http://store2.up-00.com/Oct10/0Gr02897.gif (http://www.up-00.com/)

يانجم يالي في مسارك وساري
لا وهـــنيك ما تعـــــرضـت لخلاف

ماعشت هم(ن) لقلبي مبـــــاري
هم(ن)يشكلي على عدت أصناف

ولا جاك في ليلك ثمانين طـــــاري
سليم منت من هوى البيض ملاف

لاكــن أذا أنك للمانــــــــــه تـــداري
أمانتك سلم على زين الاوصــــاف

الصاحب الي تل قلبـــي جبـــــاري
غصب(ن)خذاه مني على راس مخطاف

غرون هواه مع أحمر الــدم جــاري
كـــل يوم يزيد حبـــه بالاضعــــاف

جبرني بحبـــه ماهـــو بختيـــاري
أقفى وأنا دمعي على الخد ذراف

تداركت دونـــه جبال وسحـــــاري
لا ينسمع صوته ولا عاد ينشــاف

ضـآمـےـي

16-10-2010, 06:08 AM

الله يسامح غيبتك ويـش سـوت
عقبك حياتي مع مماتـي تسـاوت

أضعف همومي في غيابك تقـوت
وأصغر جروحي بالحشا ما تداوت

ودار بها بسمـة محيـاك ضـوت
أركانها عقب انقطاعـك تهـاوت

وذيك الورود اللي بحبـك تـروت
سقايها من غاب قامـت تمـاوت

وقصيدي اللـي بالدفاتـر تنـوت
وزنه تكسر والمعانـي تـلاوت

وصفحات فرحي يا حبيبي تطـوت
كن السعاده مع كفوفك تخـاوت

يا من غيابك داخل القلـب مـوت
نور الشموع اللي بقربك تضـاوت

إسمع صدى صوت مع الليل صوت
وين أنت يا خلٍ له الروح هـاوت

فك الحبـال اللـي عليـه تلـوت
وأشف النفوس اللي بعد ما تشاوت

ضـآمـےـي

17-10-2010, 01:18 AM

يا زين ضعنا بين مزحك و جدك
................................. وان كنت ماسك عني الموت هدّه
كان العذاب اللي جرى لي يسدّك
................................. الهجر منك وقفه عند حدّه
لاني ولد عمك و لاني بعبدك
................................. لا شك حدتني عليك المودّه
فاخرت فيك الناس عندي و عندك
................................. حكوا و قالوا ظالمه مستبدّه
وانا لقيتك وافي ٍ عند عهدك
................................. كفّك نهار العيد لي ما تمدّه
والله لأصبر لين ربي يردّك
................................. اصبر سنين طوال ماهي بمدّه
قلب يودك كيف انا اصير ضدّك
................................. نظر عيوني ما تحولت ضدّه
وانا الذي فني ربا تحت يدّك
................................. و انت العزيز اللي عيوني تودّه

ضـآمـےـي

18-10-2010, 09:54 AM

تساقط الحلم من عالي مراقيبه
وانا على ضحكتي ماعاد يمديني

ياللي ترديت فـ الحب ومواجيبه
تماكن اللي بقا من شرهة يديني

عقب استدار الزمان وطالت الغـيبه
يجور دمعك هو اللي ذكرك فيني

غلاك ما فزت به عشان اماري به
لا تطري الذكريات اللي تبكّيني

ضـآمـےـي

18-10-2010, 10:15 AM

الضيق في صدري كسر حاجز الصمت

فجر براكين االكلام وحكاني

ماطاب لي خاطر حسافه ولانمت

كله سبايب همي اللي خذاني

البارحه مليون مره تولمت

داويت جرح وبان لي جرح ثاني

ماهي غريبه لانجرحت وتبسمت

دام الوفا ماله مكان ومواني

والكلمه اللي لاطرت بالخفا قمت

لاجيت بنطقها يعاند الساني

حار الكلام بداخلي وماتكلمت

كن الكلام يزيد هم المحاني

اشياء واجد تو منها تعلمت

اشره على نفسي واعاند زماني

درس الزمن خذيت منه وتفهمت

ياكثر ماخذ مني ولا عطاني

ابوس راسك يازمن لو تكرمت

كافي ولك مني جزيل امتناني

اثر الكلام احيان يغتاله الصمت

واثر اللسان احيان ماهو الساني

ضـآمـےـي

19-10-2010, 04:41 PM

ألا يافهد والخاطر اللي يشيل علوم
من العام منزلها على القلب مسكونه

ورجلي على روس الطويلات دوم تزوم
ولا ذعذع الغربي غدا القلب بشطونه

وأنا مثل من يارد على عده المردوم
وهو دارياً مامنه فوداً ولا مونه

على اللي نطحني في يده خنجر وسهوم
وقّفى بلا خنجر بعد وثق طعونه

ضـآمـےـي

19-10-2010, 04:43 PM

ريح الهدايا راح معاد اشمه
لا واعذاب العين تنظر هداياه

ابعثر الصندوق ورجع ولمه
صندوق عشقن مابقى غير ذكراه

ابنشدك ياوقت جاوب بذمه
ياليه خلي راح يشعب مطاياه

ماتدري أن طيفه يجني وضمه
وما يدري أني عاذره في خطاياه

ماهو بسيد الزين هو سيد عمه
يابري حالي كل ماحل طرياه

زينن حوى عينه وخشمه وفمه
متعدد الاوصاف مكثر مزاياه

لو جيت اذمه كيف ماقدر اذمه
يوم الحلا نفس الحلا ماتعداه

ضـآمـےـي

19-10-2010, 04:46 PM

بعض العلوم أن جات ماتبطي تروح
عاد ي تجي وتروح ياعلم عادي

وبعض العلوم تعيش في داخل الروح
ماكنها الاّ قطعةً من فوادي

عشقت عشقاً صادقاً دون مصلوح
واهيم به في كل حزة ووادي

فاحت دلال الشوق ياصاحبي فوح
وفاح الغلا والورد مع ريح كادي

لاتحسبنه صرح شيدتنا صروح
لاكن خسارة صرحنا وين غادي

ايووه يامقفي تغني وانا ابوح
ابوح لكن ماتبين مرادي

سؤال عندي اصبح اليوم مطروح
نورك علامه في عيوني سوادي

مابيح سدي لوّها بروق وتلوح
اصبر واشيل الحمل صبر المهادي

لاجيت اجر الصوت مجبور بالنوح
قال الزمن غلطان ياللي تنادي

وبعض العلوم أن جات ماتبطي تروح
وبعض العلوم تعيش داخل فوادي

ضـآمـےـي

19-10-2010, 04:57 PM

http://www.hmaleel.com/up//uploads/images/domain-7465f35585.jpg (http://www.bddor.com/vb)

ليت قلبي ما تزحزح عن محله
يا مقاويس الضلوع ونرفزتها

استفز الحزن قلبي واستحله
ولا بقى فالعين دمعه مابكتها

وان بغيت ارتاح ساعه يفتح الله
كيف اريح واتناسى سالفتها

نظرة عيون الهنوف المسفهله
عقب مالدت علي وسلهمتها

علقتني بين عز وبين ذلـه
ذللتها للخفوق وعزّزتها

مايطيب خاطري فنجال دله

لين احس انّي اسف من قهوتها

احتوتني لين صار الكون كلـه
فص من سلسالها اللي فرقبتها

ضـآمـےـي

19-10-2010, 05:08 PM

شبكت المولع والمولع على مهيـاف
بعد ما تعلق فيـك وشلـون خليتـه

حدتني اظروفي والقوانين والاعراف
ولولا قوانيـن العـرب مـا تعديتـه

صوابه تمكن خافقي من ورا الانجاف
تمكن صوابه لو نسـا مـا تناسيتـه

لحظني وراح وقلت ما ظنتي ينشاف
ولو ليت تنفع قلت ياليـت يـا ليتـه

ضـآمـےـي

19-10-2010, 06:27 PM

http://store1.up-00.com/Oct10/hrf98168.jpg (http://www.up-00.com/)

في زمان كنه البرد شبيت القصيد
قلت ابدفا والليالي تموت ببردها

في طريق كنه الموت ولحالي وحيد
قلت ابحيا والمنايا تبوح بسدها

أتقارب هقوة العمر لو كانت بعيد
واتغني بالمقابيل واخطب ودها

لاقديم الجرح يقوى ولاجرح الجديد
يخلف الناس العزيزه عن اللي ودها

ضـآمـےـي

19-10-2010, 11:34 PM

http://store1.up-00.com/Oct10/ShP05681.gif (http://www.bddor.com/vb)

العمر مرّ وراح مع فايـت الفـوت
صحيح ضعت وضاع حلـم ٍ حلمتـه

رفعت كفي ماقدرت ارفـع الصـوت
لو كـان فالخاطـر كـلام ٍ كتمتـه

حبل الرجاء من جور الايـام مفلـوت
ياليت قلبـي عـن غرامـك عصمتـه

ياما بنيت بيـوت وبيـوت وبيـوت
اليوم كـم بيـتن بنيتـه هدمتـه

ضـآمـےـي

20-10-2010, 07:52 PM

http://store1.up-00.com/Oct10/l6U89048.jpg (http://www.up-00.com/)

جيت من بعد غيبه جيت من بعد مـده
جيت كلي شعـور ٍ يختلـج فالحنايـا

جيت شوق ومسيل الشوق من هو يرده
جيت مثل السراب ف عين كل الضمايا

جيت من كل شي ٍصار مثلـه وضـده
جيت مثل الدفا والبرد خيـر وخطايـا

جيت مثل الفقير اللي ظروفـه تحـده
للتـردد علـى بيبـان راع السرايـا

جيت مثل البحر مابين جـزره ومـده
والتفاكير ترمي بي في كـل النحايـا

جيت اباشكي ليـال ٍ بالعنـا مستبـده
مير ماحد ٍ سمعني غير صمْ المرايـا

جيت واثر البطا عن صاحب ٍ لك توده
يخلف اهل الموده والبطا لـه سوايـا

جيت مثل الجبل شامخ ولاحـد ٍ يهـده
غير رب الجبل عـلام كـل الخفايـا

جيت واحلى القوافي للعتـب مستعـده
مير تاهت وبدلْـت العتـب بالهدايـا

ضـآمـےـي

23-10-2010, 04:22 AM

http://store1.up-00.com/Oct10/oxM93316.jpg (http://www.up-00.com/)

تسألون القلب عن سبب آلـ آآآهَـ
خلوه في همه عسى الله يعافيه

معذبه فرقا " حبيب " تنآسآهَـ
مسكين ياقلب هوى الخل مشقيه

وإن قلت ياقلب أتركه عنك وانساهَـ
جر الونين وقال ماني بنآسيه

ويلاه من حبه وبعده وذكراهَـ
ويلاه من شوقي لشوفته وطآريه

ضـآمـےـي

24-10-2010, 01:57 AM

والله وفيك الخير يا جرح الايام
والله لاموت وموقفك ما نسيته

خاويتني والعمر خمسة عشر عام
وش عاد باقي فالوفاء ما عطيته

يا كبر معروفك وياكبر الاحلام
وفيَت معروفك وانا ماوفيته

ضـآمـےـي

24-10-2010, 02:21 AM

كم شخص دايم تجذبه ( ذكرياته ) !
............لو ذكريات ( سنين ) عمره حزينه .!

يشوفها أجمل مرحلة في .. حياته !
............بس يتمنى ليت ترجع ... ( سنينه )

هذي سواتي و الزمن ذي ( سواته )
............ولا أدري وش اللي صار بيني وبينه !

ضـآمـےـي

24-10-2010, 02:38 AM

أن كنت أنا أخطي شي طبيعي لان أنا مانـي نبـي
محدن عصمه الله من الاخطـاء كـون الانبيـا

فعلا أنا أخطي بس ضـوي ماتشـب الاّ أحطبـي
أطمح ولولا الليل محدن شـاف فايـدة الضيـا

أمشي ولو أموت وأنا أمشـي ولاكـن ماحبـي
ولا أعشق الصوره ولا الكربون ولا أعشق غيا

كل ماتعثر قلت في نفسـي وأنـا أمـس شنبـي
ياكـم علـى الدنيـا فقيـر ويحسدونـه أثريـا

ضـآمـےـي

24-10-2010, 02:43 AM

ياهاجس الليل منك ضاعت افكاري
مسلوب من فرحتي والهم سارقها

ياشينها غربتي في داخل دياري
من ضيقتي قمت أغربها واشرقها

ضـآمـےـي

24-10-2010, 02:53 AM

http://store1.up-00.com/Oct10/MEd74317.jpg (http://www.up-00.com/)

يا ضلع جعل الغيث يسقيك نوه
من مزنةٍ غرا مطرها رهـاواه

ضلعٍ اليا سقت القدم في علوه
جلست لي في مجلسٍ له طراواه

ضلعٍ أليا زاد الدهر زاد قـوه
ما جاه من طول الليالي رخاواه

أليا انزعجت من الزمان المشوه
لقيت في عالي نبـاه الهـداواه

ضـآمـےـي

24-10-2010, 07:00 AM

http://store1.up-00.com/Oct10/Kfw88949.jpg (http://www.up-00.com/)

بعذر السحاب اللي ترزم ولا هـل
علي دروب ضايـعٍ مـن رجاهـا

مابقـي الا شجـرة مالهـا ظـل
لـو الجـراد يمرهـا مارعـاهـا

الصاحب اللـي لا تعـذر ولا مـل
وش بعدها وش عقبها وش وراها

كم له وهو يخطي وانا اقول مـازل
من يفقد بيـوت الحيـا ماعطاهـا

عذبتني ياراعي الطـرف الاكحـل
ليت الظنون جروح والقى دواهـا

ليتك عدو وارتاح من شرهة الخل
ولاتلحق النفـس الوفيـه وفاهـا

ضـآمـےـي

24-10-2010, 08:03 AM

ياعاشق الصمت بيبان الحكي فضه
أدخل بها يمكن الاحـزان تنسانـي

مض الزمن بالحكي والسالفه مضه
ما باقي الا انت والا مت وحداني

مابيك تذخر تعب كل التعب قضـه
مرتاح لا صرت تأمرني وتنهانـي

لك وردتين على صدر الترف غضه
لا مال غضك تهاوت ليـن تلقانـي

ليل جمعته تحت تاج الذهب قضـه
من هامة النور والقى ليلي الثاني

حتى تجيك الجروح الزرق منقضه
من خاطري لين ينطق حبك لساني

لو تشعل الجمر ماني خايف عضـه
اكتب بلونه مواعيـدي وعنوانـي

ما شفت غيرك عشان اقول يا حظه
هنيت نفسي معك من كل وجدانـي

ضـآمـےـي

24-10-2010, 08:20 AM

نهايات الغلا ماهي بعيدة
تزيد الجرح و إلا ما تزيده

فراقك يا حبيبي كم يساوي
من أيام المواعيد الجديده

أنا طالبك خذها من حياتي
ثمن فرقاك من نفسٍ زهيده

من اول بيت والله ما خذلتك
إلى آخر بيت في عمر القصيده

أنا ما عاد يغريني حضوري
على شان المجلة و الجريده

من اول كنت احسب اني الحالي
وحيد و نظرتي دايم وحيده

و اثرني طول عمري كنت حاضر
بقلبي و اطرد قلوبٍ بليده

و صرت بعين نفسي شخص ثاني
غريب يحط تفكيره رصيده

و هو ما هوب ذنبه يوم يضحك
سعيد و يحسب العالم سعيده

أقول احيان يمكن ما فهمني
و أقول احيان هو نفسه عنيده

أحسب ان المحبة فيه تكفي
و اثر كل المحبة ما تفيده

عطيته كل شيٍ كنت أحبه
و عطاني كل شيٍ مايريده

عساي انساه كان انني ظلمته
لا راح العمر من يقدر يعيده

ضـآمـےـي

24-10-2010, 11:59 AM

http://store1.up-00.com/Oct10/rvt06895.jpg (http://www.up-00.com/)

أنا وشلـون أجامـل وأتحمـل محدثـات اللـوم
ولي قلبن ليا صارح مـا جنّـب عـن تصاريحـه

حشى وأبداً ما أقول أنّي عن أسباب الخطاء معصوم
أقول أن الخطاء يآجب على العقـال تصحيحـه

لمسني ما لمسـك ولا لنـا إلاّ حظنـا المقسـوم
عسى ربي يسامح مـن يشكـك فـي ويبيحـه

لكني لا قفلت الباب من دونـك وأنـا مهمـوم
لا تنشدني عن البـاب وعـن القفـل ومفاتيحـه

ضـآمـےـي

24-10-2010, 11:52 PM

كثر ماحن قلبي للونيس وكثر مادرهمت
فجر صدري حنيني واتعب الاقدام درهامي

احسب انك تيمم باتجاهي وين مايممت
اثر منت بورايا بالطريق ولا انت قدامي

مادام ان جانبي شامل جنابك وانت عني شمت
كثر خيرك وانا مانيب ميت ولا جايع واناضـامي

على شان الخفوق اللي على عرشه قعدت وقمت
حجب عنك الدجا لين اشرقت لك بيض الايامي

ختام السالفه ياطيب العشره كرمت ودمت
هذا حقك علي وحق شرهاتي على اوهامي

ضـآمـےـي

25-10-2010, 07:01 AM

رعاك الله يا بـرق لمحتـه والعبـاد نيـام
ولكن ما سقى القشع الهشيم بوابل امطـاره

تعدى راعي ذوده على حياض العدود حيام
ليال القيض وايامـه مواريـده ومصـداره

بعد قفى المخيل وبارقه في مقدمـه للشـام
و أنا عيني تخيله ما قدرت انشد عن أذكاره

ضـآمـےـي

25-10-2010, 10:54 AM

http://store1.up-00.com/Oct10/Oq389587.jpg (http://www.up-00.com/)

تعـــبت اقول لــضيقتي سهود ومهود
الــيا متى هالعــذر بيكــون عذري

البــارحه يوم اكثر العالم رقــــــود
عــادت علي اللي تــجي منيـن مدري

الضــيقه اللي كل ماراحت تعــود
مكــانها مابــين قلبــي وصـــدري

نــاسن تنــام مدهنــه فــي دهن عود
ونـــاسن تنام مدهنــه بــزيت مقري

ماهــوب مثلي من اقــرب انسان مجحود
الله يــسامح من نســى اليــوم ودي

صـد ومـاكنه عـلى الارض موجـود
مـايدري انـه اوول اسبـاب كسـري

كـل ماطـرالي قلت يـجي يـوم ويـعود
يـاليـت كل من صـد ماعـاد يـطري

لـو تسـتحي من فعلــها أيـام السود
كـان استـحت مبـطي ولاطـال صـبري

قدمــت بالمـوجود لخـاطر الجـــود
ليـن التــفت ولابــقا شـي حـدري

عطــيت من عمـري ولاشـفت مردود
يـالاسـف للنـاس ضـيعت عمـري

بــوقف لحــالي لخــاطر الطـيب والزود
اشـره علي ان صغر الوقــت كبـري

مـاني عـلى بعـض المخـاليـق محـدود
امــوت مانــزلت للـناس قـــــــدري

ضـآمـےـي

26-10-2010, 05:27 AM

http://store2.up-00.com/Oct10/h0Z56151.jpg (http://www.up-00.com/)

لو الغلا له حد والشوق لـه حـد
مايشتكي غالي من فـراق غالـي

ولا جر له ونه ولا باح لـه سـد
ولاخيب الهقوات صـدر الشمالـي

هي فلسفة من منطلق لاخذ والـرد
والا الهدف عزآآآه يابري حالـي

ياللي عليك اقصى المعاليـق منقـد
يامستبيـح المفردات الجـزالـي

مالي بغيرك شف لاجيـت للجـد
منهو يعوض عنك ياراس مالي

ضـآمـےـي

26-10-2010, 05:33 AM

http://store2.up-00.com/Oct10/aI856681.jpg (http://www.up-00.com/)

كل مامديت وصلي تجازيني صدود
واتعــذر عنك واقـول مدري وش جــرا

ماطرى لي غير حبك وانا مالي جحود
وانت مدري وش طرى لك لكنّ اللي طرى

بيـت حــبٍ مــس حبـلـه وشـيّـده العـمـود
ولك خفوقي فرش والصدر وضلوعـه ذرى

مستـلـم صــك المشـاعـر وثـبّـت الـقـيـود
وانقطع قلـبي وصــدري مـن الشـوق انفـــرا

دايـمٍ تخطـي واسامـحـك مــن قـلـب ودود
وادمح الغلطـه ليـا جـات كـن محـد ٍ درى

اتغـاضـى عـنـك لـكـن تـعـديـت الـحــدود
ويش اسـوي معـك والصـد والهجـر جهـرا

كل مـا ظنيـت بـي ظـن يرقـى بـك سنـود
وانـت ظنـي فـيـك قــدام وتـعـوّد ورى

لا متـى وانـا اتـرجّـا الوعـايـد والعـهـود
لا تشـالا الجـرح الاول تبيـعـه مــا بــرى

وانـت توعدنـي وتقفـي وتخلـف بالوعـود
والمولـع بانتـظـارك ســرى ليـلـه ســرى

دام في سوق العشاشيـق مـا تقـدر تجـود
سوق حبـي معـك مـا فيـه بيـع ومشتـرى

هات ما عندك من الصـد وانـا اللـي بـزود
ليـن تـدري ويـش معنـاة مـردود البـرا

ضـآمـےـي

27-10-2010, 11:35 AM

عديد راس الطويله حزت عصير
وبديت أخايل بروس المراقيب

وبدابي الهاجوس ينظم الطوابير
قافن على الشعار ماهوب متغيب

وحبيت أناقشك في بعض التفاكير
مع شاعر(ن) ماهوب متهيب

شاعر اليامنه سبح جاب التعابير
ينقى جديد ويترك اللي مشيب

عن شاعرن بالهوى جاه تخدير
من صاحب(ن)صاير مع الناس متخيب

حاولت أبين له ولو عمره صغير
عن الي بقلبي ولاكن متهيب

خفت أخسرالمجمول سيد الغنادير
وأقوله طيب لو مانيب طيب

حبيت أشاورك ياشاعر مطير
أبين العلم وإلا أبقيه متغيب

ضامـــي

ضـآمـےـي

27-10-2010, 12:14 PM

لبيه ياجامع وصوف المزايين
اخذت كل الزين وش عاد خليت

نسيت انا المله وضيعت انا الدين
من كثرماافكر مع الوصف سجيت

الوجه نور البدر والخد لونين
والراس ضافي فوق الأمتان فليت

وتحتار في الحاجب وفي ناظر العين
لاناظرت في حاجر العين فهيت

والخشم مثل السيف لاجاك حدين
والشفه الحمرا عليهاتمنيت

والنهد بارز شايل الصدر يازين
والخصر لامنك مسكته ورصيت

مسكت يدينك كنها بين قوسين
والردف نامي ياحلالاه ياليت

وفيها الدلع مع كل هذا على الدين
الله يكافيها الحسد والنواحيت

واليوم وصف الزين يبغى دواوين
محصي مزاياها بغيت وتناسيت

واللي سمع قافي يهلل ملايين
ويذكرعليها الله وهو حامي البيت

ضامـــي

ضـآمـےـي

27-10-2010, 12:33 PM

حزت يفوح الحب أذكرحلاياك
وأذكر بعد بالحب حبن يناجيك

حتى رحيق الورد يقبل بطرياك
الله يعين الورد حزت طواريك

كانك تبي بلواي أسأل مراياك
يمكن على بلواي تقدر تحاكيك

شف روعتك بالله وأسأل دناياك
اللي قريب منك واللي مربيك

وإن جيتني بالحب كلي فداياك
جرب تزور القلب والله محييك

يامرحبابك كان جتني مطاياك
بعيوني أفرش فرش نومك واغطيك

واحكي عليك أحيان واسمع حكاياك
واسلى مع الضحكات واضحك وأسليك

وأقصدعليك أشعار تعجب خفاياك
وأحلاقصايد خالد مكتوبة فيك

وأهدي عليك الحب وأقبل هداياك
وأجمل هدية حب طيبك وطاريك

ياصاحبي من صدق عاشق حلاياك
والله بدون الحب ربي محليك

ضامــي

ضـآمـےـي

28-10-2010, 09:00 AM

http://store2.up-00.com/Oct10/Hot42604.jpg (http://www.up-00.com/)

فز الخفوق وزان بدع الطواريق
وقطفت من بستان الاشعار باقه

وطوقتها بالورد والمسك تطويق
وإهديتها لأغلى وأعز الرفاقه

مخلوق يفرق عن جميع المخاليق
نعم الصديق اللي يصون الصداقه

بعض البشر ليا حضر يبعد الضيق
وإن فارقك بانت خريمة فراقه

من كثر ماتربطك معه المواثيق
ودك تحط إسمه معك فالبطاقه

ضـآمـےـي

28-10-2010, 09:08 AM

صدري بحر ياوحشة الخاطر الغلق
روحي ندى وعروق الايام يبَاس

ابشَر الاقدار وجه الرضا طلق
ماقلط الا الصدر واستنكر الياس

وان طولت يدها عبث ضيقة الخلق
ماخلت السبع المثاني لها راس

مالي مع حلوق الخنا والخزا حلق
اليا تعروا من جهل صمتي لباس

وش حدني للوحده و َ عزلة الخلق
لا كثر ما تاكل الـ ناس فالنــاس

ضـآمـےـي

28-10-2010, 09:13 AM

http://store2.up-00.com/Oct10/84D85158.jpg (http://www.up-00.com/)

ضاقت دروب الحس بانسان حساس
واغلق عظيم الهم في وجهي ابواب

كني غريب الدار في حضرة الناس
كني فقيد الذهن في عزّ الالباب

افلست وافلس خافقٍ عاف الافلاس
ما عاد للدنيا على بالي حساب

ضـآمـےـي

30-10-2010, 06:50 AM

تجاوب معي ياقبلة اهل الغرام الذرب
تراني بدونك في دروب الهوى طرقي

انا في هواك السوق زملي مع الصعب درب
غرامك تخالط به دمي وانتشى عرقي

الى ناح ورقك فوق غصن المحبه طرب
على الغصن الاخر بالطرب جاوبه ورقي

تعال ابحر بقلبي من الشرق والا الغرب
الى حن رعاد الوله لاح لك برقي

ترا خافقي بسمك على السلم والا الحرب
من الساحل الشرقي اليا الساحل الشرقي

ضـآمـےـي

30-10-2010, 08:07 AM

http://store2.up-00.com/Oct10/ctJ10883.jpg (http://www.up-00.com/)

يا ضلع جعل للغيث يسقيك (http://www.dlooah.com/vb/showthread.php?t=34412)نوه
من مزنةٍ (http://www.dlooah.com/vb/showthread.php?t=34412)غرا مطرها (http://www.dlooah.com/vb/showthread.php?t=34412)رهاواه

ضلعٍ اذا زاد الدهر زاد قوه
ما جاه من طول الليالي رخاواه

ضلعٍ اذا سقت القدم في علوه
جلست لي في مجلسٍ له طراواه

عقب البطى شوفة فياضه وجوه
يبعد عن القلب الشقي الشقاواه

بيني وبينه خوةٍ وأي خوه
خوة قسا ماهي بخوة فضاواه

أليا انزعجت من الزمان المشوه
لقيت في عالي نباه الهداواه

وان بار في الرفقه قليل المروه
في قمته شفت الوفا والحفاواه

صديت به يوم الدهر زاد سوه
وعن عالمه قطع العلاقه نجاواه

ناس على الهفوات فيهم جروه
تركض لجمع المال ركض الفلاواه

نظراتهم للمال كثره وشوه
الـمال مقياس الــغلا والعــداواه

رجـلٍ بليا مال كل عـدوه
وراعي الكنوز الطايله في النباواه

والمال كم شيّخ من الناس بوه
لو كان ما يسوى من القدر ماواه

والقل كم لوى مذارع فتوه
هو من هلا الردات وأهل الصخاواه

يضحك على الطيب ردي الربوه
طيور شلوا بيدتها الصعاواه

من الحسد قام يحذف ويتفوه
وبيته لصلفات الهبايب مفاواه

ناس مشو على الطريق المشوه
صلى بهم من لا يعرف التلاواه

ممشى الفتى في خايعٍ سال توه
قفر عليه من الحباري حراواه

يبعد عن الأنذال ويشب ضوه
ويحط منزاله براس العلاواه

يبرد بها صدره ويرفع سموه
ويشوف للدنيا طراه وحلاواه

ضـآمـےـي

30-10-2010, 12:25 PM

جرح الغلا ماله مع الوقت شافي
تبطي رسومه بيّنه في صحيبه

ياللي عليك الشوق ظاهر وخافي
ادخل على الله خافقي وش تبيبه

صحيح آثرها ماتدوم العوافي
وصحيح بان الحب غايب طبيبه

ضـآمـےـي

30-10-2010, 01:04 PM

أهرج عن الشعر لا تهرج عن الكوره
ما أداني الشـوت بالأقـدام يـا الغالـي

حتيش لـو أنّهـا لعبـه ومشهـوره
و تصرف عليها الدول وتضخ الأموالي

وأخبارها في جميع الصحـف منشـوره
وجمهورها خلط ناس ألـوان وأشكالـي

ما حركت هاجسـي والنفـس مجبـوره
تميل مـع عشقهـا الغـلاب لا مالـي

روحي رياضيـه وبالخيـر مذكـوره
لكنهـا لعبـة مـا جـات فـي بالـي

هوايتي فـي مجـال اللعـب محصـوره
على ما قال المثل فـي بـدع الأمثالـي

رح تابـع المونديـال وكبـر الصـوره
وأتركني ألعب على الطاروق بلحالـي

ضـآمـےـي

31-10-2010, 04:54 AM

ياللي كسبت الغلا و القلب و إعجابه
بعلمك بــ/الخوافي وانـت راعيهـا

مناظر الحب وسط الصدر خلابـه
لو جيت فيها سياحـه ماتخليهـا

ضـآمـےـي

31-10-2010, 08:05 AM

الناس كل(ن)على ليلاه تلعبله*****وانا مع الهم والهاجوس يلعبلي

ضـآمـےـي

31-10-2010, 12:37 PM

لو غديت بدرب حبك وش يصير
كم سفينة ضاعت بعرض البحر

ولو نزل دمعي علشانك غزير
يستحق الورد رشات المطر

ولو بقيت الليل من شأنك سهير
تستلذ العين لأجلك بالسهر

ولو فؤادي كل ما شفتك يطير
من يلوم الطير في حب الشجر

ضـآمـےـي

01-11-2010, 06:23 AM

انثر على خدي مـن الدمـع وانـوح
لين المدامـع جـف ماهـن وباحـن

ومشاعري من شان لاصير مفضـوح
اكذب على نفسي واقـول استراحـن

اهدي اعصابي وانـا افـور وافـوح
لوفوقـي الدلـه والابريـق فـاحـن

ضـآمـےـي

01-11-2010, 03:24 PM

قلبي يقول اللي مضى كذب ما مـات
لونه ميت ما قعـد جرحـك يسيـل

يقعـد يذكرنـي ديـار ومـحـلات
ويعيد لي ما فـات جملـه وتفصيـل

ويقول لي معذور والا انـت بالـذات
مالك عذر في طيحتك في المحابيـل

وعقلي يقول اللي مضى ماضي وفات
ما من ورى طرد المشاعر محاصيل

اعطيتـه عيونـك وشـح يتلـفـات
وخلاك شربك هـم واكلـك بهاذيـل

هيهات زيد تشوف لـه زول هيهـات
انـس المدابيـر وتـلـق المقابـيـل

اقنعنـي العـقـل بـكـلام ودلالات
اني علـى درب الخطـا والمهابيـل

الحزن مـا يذبـح كـلام ودعايـات
هذا انا ما مـت فـي تالـي ابريـل

والصد مهما كان حجمـه سلامـات
هذا البدو مـا ماتـوا لغيبـة سهيـل

ضـآمـےـي

01-11-2010, 08:39 PM

http://www12.0zz0.com/2010/10/17/04/792397197.jpg (http://www.bddor.com/vb)

ليت المسافه مثل شرب الفناجيـل
والاكما حـرفٍ كتبتـه فـالاوراق

لجيك لو أنه قضـا منـي الحيـل
ماهمني لو اتعب الحـال والسـاق

وليت الليالي مع هوانـا تساهيـل
ياساكنٍ بالعين في وسـط الاحـداق

مير الأماني شيء والواقع مهيـل
والبعد قاتـل والزمـن دوم بـواق

رغم البعاد ورغم كثـر الاقاويـل
رغم الجفا والصد لازلت مشتـاق

ياصاحبـي مبـدأ ولافيـه تبديـل
حبك ثبت بالقلب والبعـد حـرّاق

مير اطلب الله فاللقـا والمواصيـل
يمكن تزين الحال ونّبـل الاريـاق

ضـآمـےـي

02-11-2010, 06:55 AM

http://store2.up-00.com/Nov10/sTW66184.jpg (http://www.up-00.com/)

صدري بحر ياوحشة الخاطر الغلق
روحي ندى وعروق الايام يبَاس

ابشر الاقدار وجه الرضا طلق
ماقلط الا الصدر واستنكر الياس

وان طولت يدها عبث ضيقة الخلق
ماخلت السبع المثاني لها راس

مالي مع حلوق الخنا والخزا حلق
اليا تعروا من جهل صمتي لباس

وش حدني للوحده و عزلة الخلق
الا كثر ما تاكل الـ ناس فالنــاس

ضـآمـےـي

04-11-2010, 09:48 PM

http://store3.up-00.com/Nov10/Jhb92733.jpg (http://www.up-00.com/)

يقول اللي جرح قلبه حبيبه
وجرب لوعه الحب ولهيبه

الا ياويل منهو عاش مثلي
صويب القلب والحاله تعيبه

سنين اطوال راحت من حياتي
وانا محتار وجروحي عطيبه

اسير بشوق خلٍ مارحمني
ياليت اللي سطا بقلبي يصيبه

تركني وشمت العذال فيني
عنيد الراي مايرحم صويبه

يقولون اترك الزين وغرامه
حبيبٍ خان ودك وش تبي به

واقول المختفي محدٍ درابه
عسى من لامني به يبتلي به

انا مدري علامه مايبيني
صحيح الزين عادته غريبه

قبل سنتين يتمنى وصالي
يبي قربي وحبي ويهتني به

واشوف اليوم انا اتمنى وصاله
سمع صوتي وعيا لا يجيبه

انا لا قلت تكفى شوف حالي
ابي كلمه تهون لي المصيبه

يردد كلمته ويزيد ناري
انا مابي غرامك ماهي غصيبه

انا وش حيلتي بللي ظلمني
وظلم قلبي وهو من اول حبيبه

على فرقاه رددت الغناوي
ابي يسمع قصيدي ويعتني به

ولكنه رفض يسمع كلامي
وانا الدمعات لعيوني قريبه

انا وش فادني ترديد شعري
مدام الحظ قصر لا يجيبه

مسحت بدمعي ما خطت ايدي
بعد ماكانت ابياتي عجيبه

وضاع الشعر ويا الحب مني
وبقا مبداي الاول ينتهي به

واقول اني نسيت الهم لكن
يقول اللي جرح قلبه حبيبه

مدام آن الحبيب آنكر غرامـي
عسا درب(ن) يوديبه مآيجيبه

ضـآمـےـي

07-11-2010, 11:46 AM

http://www.qsedtube.com/video/ed1d4bf273e55510750 (http://www.qsedtube.com/video/ed1d4bf273e55510750)

ضـآمـےـي

30-11-2010, 03:46 AM

http://www.youtube.com/watch?v=Lc8gr0ViP4k&feature=player_embedded

ضـآمـےـي

20-12-2010, 03:12 AM

يـا مـل قلـب ساقـه الضيـم يابجـاد
دايــم وضـيـم القـلـب حــام لهـوبـه

يا بجاد عينـي حاربـت نـوم الاجـواد
تقـول عـن حـلـو المـنـام محجـوبـه

والكبـد عـيـت بالهـنـاء تقـبـل الــزاد
دايـم ودمـع العيـن يـجـري صبـوبـه

على الذي حش المعاليق من غـاد
يا بجاد معلـوق الضميـر لعبـوبـه

يا بجـاد عـرف سهيـف الـروح لاعـاد
لـو يعرفـون النـاس عـرفـه دعـوبـه

ضـآمـےـي

21-12-2010, 11:43 PM

لاتستبيح الخفوق أرجوك خلك كذا
خلك على جال خفاقي تعيش بـ سلام

وانا بعد خلني مثلك بليا أذى
لامنكسربي غصن ولاميتٍ بي حمام

محداً عرفتة عطاني شي الا خذا
أكثر من اللى عطاني واختفى بالزحام

كان الحقيقة تهمّك فالحقيقة إذا
فتحت لك بابها ماعاد فيها كلام

هي آخر اللي بقي لك في ضلوعي لذا
حاولت اخليك نور ومايمرّك ظلام

أهديت لك من يباس العمر ورد وشذا
وأهديت لي حزن ماخلى عيوني تنام

ضـآمـےـي

21-12-2010, 11:44 PM

مانت فاضيلي عذرتك يالحبيب
عندك اشغالك ولا لك في رضاي

صرت عين البعد ولسان الغريب
صاحبي رايي ولا قاله سواي

خيب يـاظني هقيتك ماتخيب
واترك اللي صار في فكري وراي

مانتظرت الطيب لاقدمت طيب
ولا رفعت الصوت لجل اسمع صداي

بس ابجمع عنهم اخلاقي واغيب
وخل اراضيهم تناظر في سماي

ضـآمـےـي

22-12-2010, 01:14 AM

مارجيت من الزمن ثوب حرير
مارجيت إلا خوي به وفـا

كل ما قلت إن هذا فيـه خيـر
( كم يوم يمر ) وأردد أفـا !!
.......................أفـا !!
...........................أفـا !!

ضـآمـےـي

22-12-2010, 12:36 PM

الصمت يكفي ويشفي صدر راعيه
لا صار كل الحكي ماله معانــي

والقلب ما عاد تعنيه المشا ريـه
و العين ماعاد تغريها الامانـي

ياليت حزني مجرد دمع وابكيه
ماهوب عايش معي بين المحاني

ماهوب يظهر علي واحاول اخفيه
و تصير نظرات حزني هي لسانـي

مدري ذكرني زمان كنت ناسيـه
مدري ذكرت الزمان اللي نسانـي

ضـآمـےـي

22-12-2010, 12:52 PM

يا كثرالأسماء مكتوبه ومعروضه
أهل الوفا شلقة وأهل الردا شلقه

ورجلٍ عن اللي خسره يدور العوضه
ورجل صناديق سره دايما غلقه

اللي يطبق سننه و يترك فروضـه
في الدرب لا يامن الطيحـه ولا الزلقـه

سلومنا يا قليل العرف محفوظـه
و وجيهنا من رسات الفعل منطلقـه

مالك ومال القشر خلك على الموضـه
منتب وكيل الله المعبود في خلقـه

ياما قلوبٍ بها صورتك مبغوضـه
من حف شاربه لا يزعل على حلقـه

رافق هل الطيب و أهل الطيب محظوظه
تقول كنها على الناموس مندلقـه

ماني مضيع عوض واعتاض في عوضه
ولا تزعزع وباقي في يدي طلقـه

و معزب القلب وردني على حوضـه
له بالسراجيف معلاقـه ومعتلقـه

يعني لا جرتني الخطوه على الروضـه
أجيه والروس مـن طاريه منفلقـه

ضـآمـےـي

22-12-2010, 05:44 PM

http://store3.up-00.com/Dec10/anY25262.gif (http://www.up-00.com/)

ياطير حظك بالجناحين حلقت
للبعد ولقطع المسافات ضاري

لوأطلبك روس النوايف تعلقت
فيها ولوتجري عليك الجواري

لاتشتكي ضيقه ولاضامك الوقت
ولافيك هم الاهموم الحباري

وانا على شوك الليالي تسلقت
لين رجحك هزيمتي بنتصاري

لواعلم بغيب الليالي ترفقت
لكن ماغيرالله عن الغيب داري

لاالحظ ساعدني ولاانا توفقـت
حتى الزمان اخلف مساره مساري

ضـآمـےـي

23-12-2010, 02:05 AM

نام قلبك وقلب اللي عشق ما ينـام
والليالي عميق الجـرح مـا زالتـه

خلّها بيني وبينـك وفـا واحتـرام
واجرح القلب لا ترأف على حالتـه

ودي اروح عجل لا يطول الكلام
هو بقى من عيونك شي مـا قالتـه

صاحبك يوم هزّيته بجـرح الغـرام
ودّه يطيـح لكـن عزتـه شالـتـه

ارتوى الليل من رمشك وزاد الظلام
والغلا ألّتوت رجلـي بمحبالتـه

بين صدق الاماني والعتب والمـلام
حلم لقياك يـوم عيونـك أختالتـه

كنت تكبر بعيني عام من بعد عـام
لكن ايديك صافي الـود مـا طالتـه

لا تزيد الجروح ولا يطـول الكـلام
هو بقى من عيونك شي ما قالته

ضـآمـےـي

23-12-2010, 02:09 AM

الزوار (2)

منورين المدونــه وآتمنا تسجلون معنآآ

يامرحبا بالزاير اللي لفآني ... آنشهدنه نور الركن بحظوره

ضـآمـےـي

23-12-2010, 02:23 AM

http://store2.up-00.com/Oct10/y5I21397.jpg (http://www.bddor.com/vb)

يكفي تعبت من القهـر ياخفوقـي
وشفيك ما تنسى غرامه وتجفـاه

ادري غرامه جارين في عروقـي
واموت لا جاني مع الليل طريـاه

وجهه يذكرني بيـاض البروقـي
وصوتـه يذكرنـي وداده ولامـاه

ماهو عجولن بالسوالف طفوقـي
وماهو هبيلن ماعرف ماقع اخطاه

لازلت في وصله جريحن شفوقـي
احلم بقربه وارتجـي دوم لقيـاه

حبه على حبـي لنفسـى يفوقـي
واضحك على نفسى اذا قلت بنساه

وش حيلتي لا زاد بالقلب شوقـي
وقلبي من عناده يكفيـه ماجـاه

كل مانويت اخيط بيـدي فتوقـي
صاحت جروحي من القهر اه ويلاه

راح الغلا منى وضاعت حقوقـي
والفكر حاير بين هجـره وملفـــــاه

ضـآمـےـي

26-12-2010, 03:57 AM

http://store2.up-00.com/Dec10/64f21387.jpg (http://www.up-00.com/)

ممكن سلف نوم ؟! جفّ من السهر جفني !
........... وإستوطن الـ .. هالقلق! في رعشة أحداقي !

ياصاحبي كل جرح فيك ... ينزفني !
........... شف كيف حزني عليك يشبّ فـ أعماقي !

ضـآمـےـي

26-12-2010, 04:28 AM

الدمع هو حبر العيون ودواها..والحب هو سقم القلوب وعماها
كانك بليت بحب فالله يعينك ..عز الله أن العين بتهل ماها
وتكتب من أبيات الشعر والقوافي..قاف ن ورى قاف ن وتملى سماها
معلقه تشطب وتكتب قصيده ..وتحط في برواز للي قراهـا

ضـآمـےـي

27-12-2010, 04:08 AM

http://store2.up-00.com/Dec10/NZA08023.jpg (http://www.up-00.com/)
ياوجودي كان يبـري مـن العلـه وجـود
وجد من شاف المذله لـأجـل لقمـة هلـه

إن رضى بالذل بيموت مـن سـم الكبـود
وإن تعزز ..حده الوقـت ..ليـن يجندلـه

وياوجدوي جعـل ليـل المفـارق مايعـود
كل مايطرى علي هـل دمعـي بـعجلـه

كنت أقول الحلم له مسئلـة وقـت وحـدود
لين ضاع الوقت والحلـم عييـت أوصلـه

ويش اسوي ياهل العـرف والأيـام سـود
كـل ماودعـت حزنـي يجـي وأستقبلـه

مايهدي ضيق صدري ليمـن ضـاق كـود
لا قريت الحمد مـن بعـد ذكـر البسملـه

جعلني ماأشوف مااكره ولا اخاوي جحـود
وجعلنـي ماأعالـج المشكلـه بـالمشكلـه

أتصبر يمكـن الصبـر فـي تاليـه فـود
والخطـاوي مجنبـه والمشاعـر مشملـه

أثر راعي الحـب مثـل المكبـل بالقيـود
بيـن خلـق الله وكـن اليديـن مكبـلـه

بين رايـات الهزيمـه ورايـات الصمـود
وبين هقواتـه وعقلـه وطيشـه واجهلـه

يامعودني علـى البعـد مافـي البعـد زود
جنـب الدكتـور رح للمجـرب وأسئـلـه

يكفي اني كل ماطـروك فيضـت العـدود
وأنت لاهالحين ماتدري ...ان لـك منزلـه

لاتظاهر بالبـراءه.. وطعناتـك ..شهـود
كـل طعنـه منـك تاخـذ مسـار الأولـه

كن عيونك ساحة قتـال ورموشـك جنـود
وكني اللـي جـاء بكيفـه يـدور مقتلـه

من غلاك احتاج سعرات تحريـك الركـود
مثل تحريـك المشاعـر بعطـر المذهلـه

اجمع إحساسك غلا وانثـره مثـل لـورود
ولك علـي أشـرع القلـب حتـى تدخلـه

لا تخاف من التلاقـي ولاتنسـى الوعـود
وأي حاجز يمنـع الوصـل قدامـك شلـه

وكان قصدك جرحي اللي مضى فرقى سنود
أذكر اني حزت الجرح قلـت لـك أزهلـه

أنت فيك أشيـاء واجـد تخليـك محسـود
فوق زينـك فيـك شيمـه وقيمـه وقبلـه

جعلني مااذوق حزنـك وجعلـك فالوجـود
لا تعودنـي على..البعـد ويمـوت الولـه

الوصـال الستـر والبعـد بيـاح السـدود
وكل يوم يمرمن دون وصلك مـا أطولـه

كل شي يهون غيـر التجاهـل والصـدود
ماقبله مـن غيـرك شلـون منـك أقبلـه

لا تجاهلني وأنـا مـن عريبيـن الجـدود
كان عنـدك شـي لا تستحـي منـي قلـه

ماتناسينـا الخطايـا مواثـيـق العـهـود
الوفـا منـا وفينـا وحنـا مــن هـلـه

ضـآمـےـي

27-12-2010, 04:32 AM

http://store2.up-00.com/Dec10/2xG09730.jpg (http://www.up-00.com/)
مرت بي الذكرى على ذيك الاطـلال
وقعدت احسب كـل شـي خسرتـه

وذابت بعيني من عنا حبـك جبـال
دمعي وخفت امن العـذول وسترتـه

ماهي بـسهله اترك الدمـع ينهـال
ولاهي بـسهله يشمت اللي حقرتـه

ما سال دمعي بس دمع الغلا سـال
يوم انكسر قلب الوفي ما جبرته

ضـآمـےـي

28-12-2010, 03:43 AM

لاتامن الدنيا ترى وضعها شيـن
ماعاد به دنيـا صحيـح بدنهـا

لاصاروا العقّال مثـل المجانيـن
واصبح ردي العرف يامر وينها

ضـآمـےـي

28-12-2010, 03:59 AM

http://store2.up-00.com/Dec10/gnd94136.gif (http://www.up-00.com/)

هبت علي الذكريات و تلعثمـت000يا ذكرياتي بـس يـا ذكرياتـي
ابلغ كلام يقال في سيرتك صمت000يا ابرز حدث شكّل ملامح حياتي

ضـآمـےـي

29-12-2010, 02:09 AM

http://store2.up-00.com/Dec10/4dn74091.jpg (http://www.up-00.com/)

خذاني الهاجس وانـا حـزة عصيـر
لقصـى مسفـات الخيـال ومـداهـا

وخذيت لـي ساعـه وانـا والتفاكيـر
تركي علـي أحيـان وركـي علاهـا

فكرت فـي دنيـاء العنـاء والمقاديـر
دنيـاء عليـنـا مايـونـي راحـهـا

صكاتهـا مابـيـن ورد ومصـاديـر
الـوارده والمقبلـه فــي سـراهـا

وفكرت في أللي صار واللي يبى يصير
وايامنـا ويـش مرهـا وش حلاهـا

أحـد عطتـه اقبالـهـا بالتباشـيـر
وأحـد يبيـهـا مالـقـا إلآ قفـاهـا

محفوفـة وبطرافهـا الشـر والخيـر
نـاس تعشيـهـا ونــاس عشـاهـا

هذه هـي الدنيـاء خلاصـه وتفسيـر
والحكم للـي تحـت عرشـه ولآهـا

تمت وانا من ضيقتـي حـزة عصيـر
هوجست ليـن العيـن فاضـت بمـاها

ضـآمـےـي

29-12-2010, 04:42 AM

http://alajman.net/up/uploads/385a840edb.gif (http://www.bddor.com/vb)

ياطير حظك لابغيت اتطير ماظناك المطير
تنطح صلافيح الهوى من هيبتك وتعوقها

وش لك بالارض العابسه والظلم والحظ الفقير
بيض الليالي ارخت ارشاها وقفت نوقها

مافيك لابرقع ولا لك وكر ولا لك جرير
والله لو اني اياك لاشق السحب وافوقها

ضـآمـےـي

30-12-2010, 05:09 AM

http://store2.up-00.com/Dec10/jEV71303.jpg (http://www.up-00.com/)

سجة فكر فيما مضى والمقابيل
فنجال كيف ولاهنا الراس كيفه

استرجع الذكرى واشوف المحاصيل
وأدون الماضي غثاه و لطيفه

والياخذيت عن الليالي تفاصيـل
مره اعز الوقـت ومـره اعيفـه

ضـآمـےـي

30-12-2010, 08:05 AM

http://store2.up-00.com/Dec10/HDM81908.jpg (http://www.up-00.com/)

من جد من لا يحوشك ويش هو حايش
خسران في حاضر ايامه و ماضيها

حتى لو انه مع الالهام متعايش
ما عنده الا اللحون اللي يغنيها

وانا الهوى يوم جيته مندفع طايش
عندي مشاعر ولا ادري وين اوديها

ما اخذته بضحك سن وهرج ومرايش
الا احترم منزلته ولآ اعبث فيهـا

وانت ايتعزوى جفاك بـ جرحي الشايش
وشلون ترضى عيون الوصل تبكيها

انسان لكن بدونك ماني بـ عايش
اصلاً حياة بلياك انت ما ابيها

ضـآمـےـي

31-12-2010, 08:16 AM

http://www.roo7oman.com/gallery/displayimage.php?imageid=1729 (http://www.bddor.com/vb)

من دنيتي شفـت البـلا والفجيعـه
انا اشهد اني فـي حياتـي تألمـت

ماني بجاحـد فظلهـا لـو شنيعـه
ادروسها يــاكم منها تعلـمـت

باقف على روس الطـوال الرفيعـه
واصيـح نـادم لاحشا ماتندمـــت

وشعاد لو خـان الرفيـق الوديعـه
وشعـاد لـو درجتهـا ولاتكلمــــت

حبل الوصل اشوا لهم بالقطيعـه
يبطي خضوعه للوصـل ماتلأمــت

ضـآمـےـي

01-01-2011, 06:51 AM

http://th04.deviantart.net/fs20/300W/f/2007/245/d/3/When_a_town_awakens_by_bingbing51.jpg (http://www.bddor.com/vb)

أبطيت في بعدك وأنا لجلك أحرزت
ساقٍ لجل قربك عن البعد جـازت

وصديت عن قربي وانا لقربك أنجزت
ياواحدٍ قربك به أعـداي فـازت

أنا أحسب إني في وصالك تميـزت
وأثر العدا تمكنت بـك وحـازت

وشديت عن وصلك للحمل جهزت
جنب ضلوعـه للثقيلـه تـوازت

ضـآمـےـي

01-01-2011, 02:20 PM

http://newsimg.bbc.co.uk/media/images/45492000/jpg/_45492759_1.jpg (http://www.bddor.com/vb)

ماهقيت أن في عشق الرمال انحراف........... لين خانتني الخطوة وخنت الدروب

بعدها صرت للصفين معنى وقاف................ وابتسامة على ثغر المواجع تذوب

الاماني سنابل ينتظرها القطاف ............... والمواسم تعاني جوع كل الشعوب

ضـآمـےـي

02-01-2011, 04:27 AM

السلام عليكم ورحمـة الله وبركآتــه,,

آسعد الله اوقتكم بكل خير,,زوار مدونتي,,

تعرفون آهل المدينه يحبون البر كثير وخاصه آوقات الشتاء وهذا صاحب لي من آهل الرياض كم لي وانا اعزمه وهو يحلف لـ يجيني بس الضروف ماتسمح له وهو يبي طلعت البر كان يقول اذا جيتك ابيك توديني للبل واقوله ابشر بس تعال والين الحين مآحصل له يجي وقبل يومين كنت عند اللبل جالس قلت بصور ورسلها له اذن يتمحس ويترك آشغاله ويجي ودزيتها له هالصوره ,,

http://store2.up-00.com/Dec10/Tln25870.jpg (http://www.up-00.com/)

بعد مآستلم الرساله طبع(ن) هو شاعر وصار بيني وبينه رديآت بس مآنزلة منهآ شئ ,,

أرسل علي يقول,,

يابن الاجواد ترسل وطبعك غريب ..... مير بطل وخل الناس في حالها

رديت عليه وقلت

مثلك علته صعبه ويلزمها طبيب ..... يوم(ن) يبا الزين مير مانالها

قال هو ههههه

كل عله لها دكتور عن الحبيب ..... مير علتك فال الله ولا فالها

قلت انا

وانت علتك وشهي ياردي النصيب ....لزوم يمنآ يافتى تدز مرسالها

قال هو

علتي نادره وعلاجي صعيب ...... ماغير عقد حبال القصيد وحلها

رديت عليه قلت

علتك عندي ودواها يا البيب ..... سهله ولا تصعب على فتالها

قال هو

ياخالد علتي جرح(ن) عطيب ...... ساكن في عروق القلب ويتلها

رديت عليه وقلت

ادعي الله ياعسى جرحك يطيب ..... وتهتني بيامك المقبله وتفلهآ

بعد مآجاه البيت الاخير دق الرجال وجلس يهاوش شوي عشان دزيت الصوره وعدني يبي يجي آنشاء الله السبوع الجاي ,,

وسلآمتكم

ضـآمـےـي

02-01-2011, 11:02 AM

لو يشتكي المظلوم وش في يدينه=من يرحمه لاهلت عيونه ادموع
من يسمعه لا باح خافي كنينه=من هو يرد القلب لاصار منزوع
مهما شكى قلبه وعقله وعينه=شكواه ماتنفع ولاهوب مسموع
ربي على خافي همومه يعينه=قلبه غدا في روضة الهم مزروع
زرعه ذبل من قبل وقته وحينه=صارت حياته هم والام ووجوع
يوم انقطع حبل الرجا في يمينه=يسحب ولكن حبل رجواه مقطوع
ماعاد باقي كود ذكرى حنينه=في خافقي برق الرجا عنه ممنوع
هذي معاناة القلوب الحزينة=مهما اصيح اليوم مانيب مسموع

ضـآمـےـي

04-01-2011, 09:10 AM

http://farm4.static.flickr.com/3142/2439010679_55866bdbc1.jpg (http://www.bddor.com/vb)

مادام درب مشينا به وصل منتهاه .... ولاعاد بيديننا حيله ونحتالها
ولاعاد بقلوبنا ياكـود ونّـه وآآه ... نهاية فصـول دنيـاً ماحسبنا لها
بودعك والعزا وقتاً كشف عن رداه ... روحي وانا اروح والدنيا هذا فالها
وان جاك بعدي من يقول السعاده معاه .... قولي حبيبي قبل لاتقولها قالها

ضـآمـےـي

05-01-2011, 09:16 AM

يَآ ضلُوعِي لِيَه أُحِسُّك [ تَرْجُفِين ] ؟
نَام فِيْك الْبَرْد وَأَلَا ... " خَآ يفْه " ؟

يَآضلُوعِي وَان شُعَل فِيْك [ الْحَنِيْن ]
الْظُّرُوْف وَمَثَّل مَا أَنْتيْ " شَآ يْفِه "

مَآمَعِي غَيْر الْكَلَآم وَ [ دَمْعَتِيْن ]
أحِضْنِيْهُم لَو يَدِيْنُك " عَآ يَفْه " . . !

ضـآمـےـي

05-01-2011, 10:13 AM

http://www.up-king.com/almaciat/ktcagiz6dblcwukty9vy.gif (http://www.bddor.com/vb)

يالي تجاهلنا ترى ما بغيناك
كلن مع العربان معروف جده

ياليتني ياصاحبي ماعرفناك
ولا عطيتك من حناني موده

غرك زمانك تحسب الناس تهواك
ولا فيه احد مغرور مثلك بشده

والله مانطلب ياكود فرقاك
روح عسى الله لا يرد بمرده

واللي سواتي يوم مرك تعداك
خلك بين الخلق روحه ورده

عهدن علي اني ولا اجيب طرياك
مانفتخر والي سواتك نهده

بقلمـي

ضـآمـےـي

05-01-2011, 10:38 AM

اليوم الجو غيم وروعـه وحبت آصوره وآخليكم تشوفون والحين يمطر خفيف ,,

هذي الصور

http://store2.up-00.com/Dec10/LCH09201.jpg (http://www.up-00.com/)

وهذي الثانيــه

http://store2.up-00.com/Dec10/Aw409201.jpg (http://www.up-00.com/)

ضـآمـےـي

08-01-2011, 11:33 AM

لعنبو من يقبل الذل لو يبقى عليل
والحقد واهل الحقد كيدها بنحورها

عادتي مامد إديني مثل مدة بخيل
ولا استمع حكي العواذل ولا اخذ شورها

الوفي اصله وفي والذليل اصله ذليل
والكرامه عند الاجواد تاخذ دورها

ضـآمـےـي

03-02-2011, 02:49 AM

http://bp1.blogger.com/_QR4TwJPai0c/Rw_blkRCHqI/AAAAAAAAAOM/xehwKZsQvFU/s320/bbbb.JPG

:
:

تصدّق إني بعض الأحيان لآ ضقت
مدري شــ سوّي بس أجلس لـ حالي

ضـآمـےـي

12-09-2011, 04:36 PM

السلام عليكم ورحمـة الله وبركآتــه,,

هذي ابيات ارسلتها على الشاعر محمد الحربي ورد عليه’’

اقول..

أه من قلب(ن) نصحته مير ماطاعي
بالي ترك حبه وراح بالمره

مايدري اني بدونه زادة اوجاعي
الله حسيبه كيف مايامن الضره

خله يروح فجوج ربي وساعي
دام الحياه احلامه حلوه ومره

لو المشاعر بدونه باتت جياعي
ما نطلب يعود بالحب ويكره

لوي تعكرة ثم شانت اطباعي
في جوف صدري يامحمد زادة الحره

طويت درب الحب وصفطت انا شراعي
معأد باقيلي بدرب الحب لو جره

قال محمد الحربي’’

إن كان خالدبسوق الحب بياعي
يصبر ع الحب في خير وفي شره

وش عرضه للمحبه دامهو واعي
مايدري ان المحبه نار مجتره

اكيد ماهو بعارف قصة الراعي
الي سرح عشر وافلس منه بالمره

عشق له البنت واثر العود طماعي
وانشهدن العشق والله ماسره

وان كان خالد قصده بس الاشباعي
يروح يم الشمال ويحسن بره

وسلامتكم..