~ / حكايات اجدادنا وماضينا معانا /~

[قمر الزمـان]

‏•'.'•قديمآ كانت حكايانا تئن ...

قديمآ لامس الحنين أوردتي...


قديمآ عزف الحب ألحانآ...

(http://www.0zz0.com)

كم هي رائعه قصص الماضي وماأروع اجوائها وطقوسها التي تأخذنا الى حيث الاصاله والعراقه وتأخذنا الى عبق الماضي الرائع...

وماأروع حكايا الجد و الجده حينما يلتف حولهم الاحفاد ليستمعوا لأجمل القصص...


وفي هذه الزاويه نجتمع كل يوم من الأثنين حول عضو من الاعضاء ليحكي لنا مما لديه من قصص اجداده لنتسامر حولها جميعآ..

[الــشــامــخ]

شاكر لك طرحك المتميز
وان شاء الله نشوف تفاعل من الاعضاء

[المــ المنتظر ــلآذ]

يسلموو غلاتي ع الطرح

[أمير الشمال]

تسلم الايادي يعطيك العافيه الف شكر

[ســ عمري ــراب]

فكره روعه منها لفائده ولنتعرف على تراث آجدادنا

تسلمين يالغلا

ويُثبت الموضوع

بإنتظار التفاعل

لكي ودي

ســ عمري ـراب

[قمر الزمـان]

أول عضو راح اختاره سراب عمري

[ســ عمري ــراب]

تسلمين قلبي لــ إختياري

لي بااااك

مع سواليف جده (:

[سالفة عشاق]

موضوع روووووووووووووعه يعطيك الف عافيه



وبانتظار سرووبه والله يخليلك جدتك بانتظار سواليفها ^_*


دمتم بخير

[ســ عمري ــراب]

صباح الغلا

من مُده قلت راح أنزل سواليف جده من وقت لوقت

المهم اليوم جلست لها وسولفت معاها وماتركت اي شي

اللي شدني بكل سواليفها انو كانت تبكي حييل كل ماتذكرت

وتقول الله يسقي زمان أول

طبعاً جده آصلها من عسير فديت قلبها شاعره ترتجل الشعر وآردفت كلامها ببعض أبيات

وبما إنو الموقف ماكان يسمح لي أسئلها منو القائل أهي او مما سمعت - لانو تبكي -

فــ حبيت تتكلم بطريقتها

سئلتها بدايه عن يومها كيف يكون .!؟

قالت نقوم من قبل الصلاه ونعجن ونشب التنور < مثل الفرن لكن ^_^ ( ماعرفت اشرح )لاتدققون

نجهز الفطور خبز تنور وسمن وعسل وحليب وقشر وقهوتنا على الحطب

كان جدك متزوجني ومتزوج وحده من آهل الباحه وكنا مثل الأخوات الله يرحمهم

يآذن الفجر وكل الرجال بالمساجد مافي في البيوت غيرنا يالحريم < سبحان الله

وبعدها يجون الرجال نفهق عنهم ( يعني نبعد عنهم ) الين يفطرون كلنا بمجلس واحد

نقهوي الرجال وبلثامنا بس تقول يمكن يجي معاه اخوه ولا أحد من الجماعه مو من بعيد

يفطرون ويسولفون قبل تشرق الشمس يتوكل الرجال على شغله وآيام جدي الله يرحمه

ماكان شغله غير بالارض تقول يروح شغله وتروح معاه وحده من الحريم وتاخذ معاها زهابة الغداء

( يعني عدة الغداء )

وتبقى اللي فيها اليوم بالبيت تهتم فيه وتشوف الأولاد اولادها وأولاد الزوجه الثانيه

وماكان عندهم هذا ولد فلانه او فلانه تقول أولادنا يتسمون بأسم ابوهم

يعني أولاد فلان ومانفرق بيتهم من وهم صغار في التربيه تقصد

تقول البنات نعلمهم الطبخ والخياطه وكيف تعجن وآمور كثير

قاطعتني وهيا تمسح دموعها بــ

عيني ياللي من الفرقى جزت مـ المنام
دمعها مثل وبلٍ حرّق آوجانها
لاتهنيت نومٍ ولاحلو الطعام
عين والله تريد مشاهد أحبابها


وآكملت ......~

والغداء بعد صلاة الظهر مباشره نقيل ( يعني ياخذون قيلوله ) تقول مايطولون لجل اللحم مايبني على جلودهم << يهتمون بالرشاقه ^_^

يصحون وعلى طول تنظف البيت وتزهب القهوه وتفتح الباب وتبقى في حالة إستعداد لاي ضيف

بالعصر تقول البيت لابد يكون مليان كله حريم ورجال وكلهم يبقون مع بعض لانو نفوسهم صحيحه

ويسولفون وقبل صلاة المغرب كلاً على بيته بهـ الوقت يرجع الزوج مع حرمته

وبعد صلاة المغرب على طول يردون القهوه لجل الزوج لو ودهم يرحون اي بيت يسمونها

سمره او مسيار ويرجعون قبل صلاة العشى < لبى الذوق مشوار ساعه

وبعدها يرجعون واحلى موقف قالته لي وتخيلته وهيا تقول أيام الحرَّ

نحط فرشنا كلها سوا ونحط ناموسيه كبيره < بالقوه فهمت انو قماش خفيف لجل الناموس مايزعجهم

ويرشون الفراش بالعطر وبمويه بارده وقبل مايرحون مشوارهم قبل المغرب تفرش الفرش لجل لمن

يبون ينامو تكون بارده << اعجبتني الفكره حييل

وقاطعتني وقالت

وانا البارحه يوم العرب رقدوا ونيت
وأعض الإبهام ويزعج الصدر بالونه


قالت كثير من آبيات الشعر لكن خَّللتها آسماء لــ آبنائها وبناتها

لذلك ماقدرت آكتب أكثر وطبعاً بماأنو هـ الذكريات آثرت فيها

أكتفيت بماآوردت

[سالفة عشاق]

بصراحه سرووبه انا كل شوي ادخل الموضوع علشان اشوف سوالف جدتك الله يحفظها من جد سوالفها تفتح النفس ع انك انتي اللي ذكرتيها بس ماشاءالله هاذا الكلام السنع
اعجبتني كلمتها ياجعلها تسلم وتسلمين انتي يوم نقلتي سوالفها يوم تقول قبل قلوبهم صحيحه ماشاءالله ع هالعصر وع هالناس اللي مثل كذا


وماكان عندهم هذا ولد فلانه او فلانه تقول أولادنا يتسمون بأسم ابوهم


ههههههههههههههه الله يحفظها مالومها يومنها ذكرت هالشي لانه انتشرت هالسالفه اللي مادري وش يحس فيه اللي يعتبرها عياره اذا قال ياولد فلانه حمدالله والشكر


الله يخليها لك ويطول بعمرها ويحفظها لكم


ويعطيك العافيه يالغلا ع نقل سواليف جدتك والماضي تسلم الايادي

دمتم بخير

[قمر الزمـان]

مشكورة سروبه وياحلو سوالف جدتك بس


والحين أختار سلوفتي


سالفة عشاق ‏

[سالفة عشاق]

*_*

المشكله ان جدي الله يخليه لنا سواليفه عن العرس والعلوم اللي كذا

تبون سواليف عن النياق هع هع




خخخخخخخخخخخ امزح مشكوره ع اختياري

<~ لي باك