تمساح يبي يتزوج لميس [ ايه افلقني ]

[[] E j R a M []]

قصة تمساح يبي يتزوج لميس
يقول صاحبنا
بصراحه قلبي يتعور كل ماشفت لميس مع يحيى ذا اللي قاهرني
طبعا يوم حلقة امس يوم تمسك يده من بعد ها المشهد ونا رايح مللح
قلت ياولد لازم نلقى حل ماصارت كذا
قلت مالي الا اتزوجها قبل تيم ويحيى
قلت بس كيف افهم أبوي الموضوع إني ابي لميس ^__^
وفكرت وفكرت هل اتزوجها بس واحط أهلي تحت الامر الواقع ولا اصارحهم هع هع<<قسم مخربها الولد
المهم اتخذت قراري اني اعلم أبوي وأصارحه
عاد جلست انتظر الوقت المناسب الي يكون ابوي مروووق فيه
يوم جاااااء بعد العشاء شفت الوالد مع الوالده يتقهووون قلت بس هذي فرصتك يستشاري
رحت ونا مطأطئ الرأس
وجلست
ابوي حس فيني قال وش عندك ياوجه المصايب
قلت افااا يابو تميم <<كح اسمه تميم الحقيقي <عاشت الاسامي
<<فضلا اذا عجبك الاسم ارجو الظغط على زر النجمة وشكرآآ هع هع
قلت والله انا رجال ماعاد فيني صبر
وابي اتزوج
عطاني ابوي ذيك النظره الحاده الي بغيت اتراجع عن كلامي بس قلت كل شي يهون لعيون لميس
ابوي وبكل خفت دم وسخريه
منهي تعيست الحظ الي تبي تاخذك انت وجهك
قلت انت وش عليك مني هذي أمي خذتك مع ان وجهك كبير وثمك صغير وخشم مايل يعني
اللهم لاشماته بس
الوالد قام يصرف
قال مالحقت علي ايام شبابي كانو البنات يلاحقوني ملاحق
واقول في نفسي والله لوانك توم كروز يلاحقونك مع شعرك ذالي تقول كنه ماسكك كهرب
المهم قلت انا ابي لميس هذي وحده بنت اجواد ومن عايله محترمه بس اللهم انها حامل من يحيى هذا عيبها الوحيد بس لايروح فكرك بعيد راح اربي ولدها احسن تربيه لاتخاف يبه
ومادريت الا ذاك الكف الي يمشي مليون طراااااااااع على خدي الايمن وطراااااع على خدي الايسر
لين صرت اعد اصابع ابوي فخدودي هع هع
قلت مقبوله منك يابو خشم بس ثق تمام الثقه متزوجها متزوجهاا
قلت مالي الا القلب الحنون الي اهي امي يمكن تحن علي شوي
يمه ورى ابوي رافض اني اتزوج
قالت الوالده انت خلص دراسه ونا اخطبهاا لك برسم الخدمه
قلت ويني ووين الدراسه توني احفر في الثانوية على كذا راح تتزوح يحيى
ويخلصون وانا جالس انتظر لما اخلص دراسة
قالت الوالده شف عاد تراك مصختهاا
كنت اول معطيتك على عقلك بس الحين لو ماتروح عن وجهي ترى با الفنجال على راسك
وذهبت الى غرفتي ابكي حزينن بدون جدوه وها كذا انتهت حكاية لميس مع البطل المغوار

(المستفاد من القصه )

1_مد لحافك على قد رجولك مدري رجولك على قد لحافك
2_لاتناظر فوق بعدين تنكسر رقبتك
3_اذا تبي تتزوج خذ من بنات بلادك يامال العافيه
4_ترى كل هاالي تشوفهم في التلفزيون مصنعين لين قالو بس
5_عليك بالزواج المبكررر عشان ماتنحرف يأيها التمساح العزيز

منقول

[بنت الخبر]

هههههههههههههههههههههههههه
والله انكم مساكين ياتماسيح لاحسه مخكم لمــيس

[بنت الخبر]

هههههههههههههههههههههههههه
والله انكم مساكين ياتماسيح لاحسه مخكم لمــيس
بس مالكم الا بنت بلادكم

يسلمو اجرام ع الموضوع

[بدوية زاحفة]

ههههههههههههههههههههههههههههههههههههههههه

>>هذا المستخدم منبطح بطحآ من الضحك


لعن أبو بليسه مالقى الا لميس هو ووجهه ...

عاد أي بالله لميس راح ترضى به هو وخشته

أجرام

يسلموووووووو يدياتك على الموضوع التوحفه

[أمير الشمال]

جننونا بلميس وشي لميس ماتسوى ضفر من بنات الوطن الف تحيه لبنات الوطن ونعم فيكم يابنات ديرتي

يعطيك الف عافيه اجرااام

[swethart]

ههههههههههههههههههههههههههههههههههههههههه يسلمو اجرام بس والله اخونا فاضي طيب في أحلى من لميس وغيره ان فيهم جمال الدين والادب مو اللي نص الكون شايفنها والله أنا غلطانه ----
ومشكور اجرام ع الموضوع يسلمووووووووو--

[شـ الورود ـذى]

../

< لقد فطست ضحكاً

هههههههههههههههههههههههههههههههههههههه

ما يحلمـ على قدـه ذا الشأب الوسيمـ

ئأل لمـيس ئأل هههههههههههههههههه

شكله ما يهمـه المضمون أهمـ شي عندـه الجمأل

يارب لا تبلانا هههههههههههههه


يسلموو يا دووووب

../

[[] E j R a M []]

هلا هلا بنوته الخبر

لا تقولين تماسيح يعني مو كل التماسيح يحبون لميس
هذا المستخدم يكرها كره مو طبيعي

فيه بعظهم يتعذب معها وبعظهم ما فكر في حتى متابعة مسلسلها الي مثل وجه بعض الناس

هههههههههههههه

يسلملي المرور الحلو ياحلو

[[] E j R a M []]

هلا هلا بدوية زاحفة

شفتي عاد ناس تحلم على قدها لكن روميو يبي لميس والله الي ما قالت

على قولة بنوته الخبر [ مساكين التماسيح ] << هع هع

يسلملي المرور الحلو ياحلو

[[] E j R a M []]

هلا هلا امير الشمال

يا رجل من كثر ما اسمع عنها
حتى في البلوتوث اسمها شفته ايش فيك انت

من جد هبلت فيهم وازعجونا بها

هههههههههههههههههه

بس مثل ما قلت بنت بلادي

يالبى قلبهم بس

<< راح مرقة سبانخ هع هع

يسلملي المرور الحلو ياحلو

[[] E j R a M []]

هلا هلا swethart
لا والله كلامك صح

بس الانسان هذا سحرته رقة وجمال لميس على شان كذا صار يبيها [ والله ما قالت ]

هع هع هع

يسلملي المرور الحلو ياحلو

[[] E j R a M []]

هلا هلا شذى

اجل تفطستي من الضحك << خربتي اللغة العربية حرام عليك

شفتي عاد تفكيرة الين وين وداه

على قولتك [ ما يبي المضمون ]

مثل الي بيشتري سيارة يشوف البادي حق الموتر ما يشوف المحرك هع هع

يسلملي المرور الحلو ياحلو