أبتســــــامة أمــل [ الجزء الثالث ] < الاخير

[[] E j R a M []]

بعد ما جلست امل قدامي حسيت اني بغا يغمى علي يوم شفتها

اخيراً عرفت انها بخير

كان ودي اقولها كل الكلام الي في خاطري

بس وقتها حسيت انه مو الوقت المناسب اني اقول كل شي

على العموم كانت جالسة تناظرني وانا احاول اني ابتعد عن نظراتها احاول اني اشغل نفسي بأي شي

فجئة سؤال يطرح من امل

قالت وبكل هدوء سعد ما وحشتك ؟

انا حسيت اني احلم وسألتها مره ثانية وقلت هاه ؟

قالت وهي تبتسم سعد ما وحشتك ؟

قلت لا بس يعني استغربت عدم وجودك

طبعاً قلبي يقول من جهه ثانية ليتك عندي كل يوم ما تتركيني لو ثواني

قالت ما اتوقع انها من قلبك يا سعد

يوم سمعتها قالت كذا قلبي انفتح على طول وقمت اقولها اني ما قدرت ارتاح ولا قدرت اسوي شي اشغلتيني في حياتي وين رحتي ايش الي صارلك ايش فيك غبتي من دون ما تقولين علميني يا امل ليش ايش السالفة ؟

قالت ابد كنت مريضة شوي تعبانة وفيني ارهاق فأضطريت اخذ اجازة على شان ارتاح

قلت ان شاء الله ارتحتي ؟

قالت اكيد على العموم وين المدير بيجي اليوم ولا لا ؟

قلت ما ادري والله بس يمكن يجي ويمكن ما يجي

قالت طيب ممكن تاخذ الرسالة هاذي وتقراها لا هنت هاذي كتبتها وانا في البيت تعبانه

فيها كلام يمكن يفيدك

انا مسكت الرسالة حسيت بشعور غريب

اول ما لمستها حسيت ان قلبي بيطير ويطلع من مكانه بس ما ادري ايش السبب

على العموم اعطتني الرسالة

وكعادتها طلعت من الباب وهي مبتسمه لاكن ابتسامتها المره هاذي خجل مو ابتسامة عادية

حطيت الارسالة على جنب وبديت افكر ايش مكتوب فيها يا ترا

هل فيها شي من جد راح يفيدني

او فيها يمكن مقلب ماني عارف

خلني افتح واشوف

فتحت الرسالة

وكان الخط مكتوب بالحبر الاحمر

الرسالة حلوة جداً ومكتوبة بطريقه حلوة

كان مكتوب في الرسالة

الى العزيز الغالي سعد

احب اقولك ان قلبي ارتاح لك الصراحة كان ودي اقولك الكلام هذا من قبل بس ما كنت اقدر افاجئك عارفة انك الحين تقرى وانت مستغرب من كلامي لاكن الي شفته منك انك حساس اكثر من اللزوم وتضيق صدرك اكثر من اللازم .

سعد

انا حبيتك

ايه حبيتك يا سعد

ما كنت متوقعه انك تكون رقيق للدرجه هاذي معاي كنت حاسة بحبك لي من اول يوم دخلت فيه نظرتك فضحتك يا سعد وعرفت انك راح تكون لي انا وانا راح اكون لك انت

سعد انا اسفة اني اقولك هل الكلام بس انا احبك ولازم انسيك الهموم الي انت عايشها وهذا راح يكون هدفي الاول على شان ترجع ابتسامتك الحلوة

انا اسفة اني قلت الكلام هذا بس كان لازم تعرف الحين او بكرة او يمكن بعد كم يوم سعد انا احبك واحب طيبة قلبك ونبرة صوتك

سعد كان من المفروض اقولك ايها بنفسي لاكن انا اسفه ما قدرت نظرتك تخجلني لاكن انا اخفيها ببتسامتي

اتمنى سعد ما اكون فاجئتك

لاكن هاذي هي الحقيقة


تحيتي لك

امل




طبعاً

انا يوم قريت الرسالة رحت فيها ماعد سرتي ادري انا وين جالس

قمت من على الكرسي ورجعت جلست

وقلت في نفسي ليش ما اروح اقولها بالي احس فيه ليش ما اروح اكلمها عن كل الي احس به

طلعت من المكتب ادورها ما لقيتها

سألت وحدة من الموجودات طباً ممرضات اذا شافت أمل ولا لا ؟

قالت شفتها طالعة من غرفتك ورايحة العيادات الخارجية يمكن ترجع بعد شوي

قلت زين

ورجعت للمكتب وانا في حيرة وقلبي يعورني ابي اقولها كل شي

شوي الا المدير داخل علي وسلم علي وقالي تعالي المكتب ابيك

صراحة وجه المدير ما كان عاجبني

وكأنه متضايق من شي حتى من صوته عرفت انه متضايق

خرفت ورحت دخلت غرفته وطلب مني اجلس وجلست

وناظر لي بنظرة حسيت ان فيها شي النظره هاذي

[[] E j R a M []]

بعد ما رحت للمدير

قالي اجلس

وكانت نبراته تدل على شي معين شي يدل على انه فيه مصيبه راح تسير

على العموم قلت انا وانا مبتسم سم طال عمرك بغيتني في شي

قالي ايش بينك وبين امل ؟

انا تفاجئت من الي قاله وقلت سم ؟ << يحاول انه يتهرب من السؤال

رد علي وقالي ايش بينك وبين أمل ؟

قلت ما بيني وبينها اي شي ليش طال عمرك شايف فيه شي ؟

قالي ايه نعم فيه البنت بالغلط جات تبي تنادي اخوها الصغير نادتك انت ومافيه احد اسمه سعد نعرفه الا انت

قلت طيب طال عمرك انا قلتلك مافيه اي شي بيني وبينها ابداً

قال يعني ما تحبها انت ؟

سكت شوي وبديت افكر في كلامه واقول في نفسي ايش السالفة ايش فيه كذا ناشبلي ؟

قالي سعد انت معاي ؟

قلت ايه نعم طال عمرك معك

قالي ايش بينك وبين أمل قولي بصراحة ومن دون كذب انت سكرتيري وانت عارف اني مأتنمك على كل شي يسير قولي ولا تخاف

بديت اتردد في الرد وقلت طال عمرك الي صاير انه .......................................... وهاذي كل السالفة

قالي المدير اها يعني انت تحبها وهي تحبك

قلت ايه نعم طال عمرك بس وربي ما فكرت اني

قاطعني وقال اسمع يا سعد بقولك شي عنها واتمنى ما تفهمني غلط

قلت تفضل طال عمرك

طبعاً بديت ارتاح من كلامه لي لان وجهه ونبرة صوته رجعت مثل اول

قالي امل انسانه مريضة ومرضها وأي شي يمكن يأثر عليها اتمنى انك ما تسوي شي يزعجها ولا شي يتعبها لان هذا يمكن يأثر عليها تأثير كبير سعد ارجوك حاول تسعدها وحاول انك تكون قد المسؤوليه اذا تبيني اساعدك على شان تاخذها وتخطبها انا مستعد

انا يوم قالي الكلام هذا فرحت وقلت ممكن اخطبها منك ؟

قالي انت مجنون تخطبها مني لاكن ولا يهمك انا راح اريحك ايش رايك تمرني اليوم العصر انت والوالد ونروح لأبو امل ونخطبها لك لانك انت ولد ناس وفيك الخير والبركه وامل ما راح تلقى انسان مثلك

وظهرت على وجهه ابتسامة حلوة جداً حسيت وقتها براحة مو طبيعية

بعد ما صار الي صار رحت للبيت وكلمت الوالد ورحب بالفكرة والوالده فرحت وطقت الزغريطه

ورحنا وخطبنا امل

صارت امل خطيبتي انا ملكي انا ماحد يقدر ياخذها مني

عشت حياتي معها في الدوام وكأنها روحي وضلي ما تفارقني ولا انا افارقها

وفي يوم

جات مناسبة كانت لأمل وكل ازملائها في الدوام يكلمونها عن المناسبة بس المشكلة اني انا ما ادري ايش المناسبة

على العموم دخلت للدوام وكانت واقفه عند دكتور ما ادانيه والي صار اني شفت الدكتور يعطيها هدية وهيه تستقبل الهدية ووجها كان محرج ويوم شافتني ابتسمت وانا انذهلت يوم شفت الدكتور يضحك ويقولي كيف حالك يا سعد

انا ما قدرت اتحمل الموقف ورحت للمكتب على طول من دون ما اقول حتى كلمه واحدة

دخلت مكتبي ودمعتي على عيني واقول ايش السالفة ايش الي صاير ايش الي شفته ..... وبديت اسأل نفسي أسألة وابررها بأجوبه على شان ارتاح ونفسيتي ترتاح

بعدها بشوي دق الباب ودخلت امل حبيبتي امل

دخلت علي وشافت في عيني دمعة جات جلست عندي وناظرت وقالت ايش فيك سعد ليش الدموع ايش الي صاير مو انا حبيبتك وراح اسير زوجتك ايش فيك قولي الي في خاطرك

ناظرت لها والحقد يملاء عيوني وما كان مني الا اني اطلب منها تطلع من عندي لاني ماني رايق اشوف وجها .

استغربت امل وابتسمت وقالت من قلبك يا سعد افا بس اشلون تطردني ايش فيك

انجنيت يوم شفت ابتسامتها وجال في نفسي كلام يحرق القلب اشلون تضحك وتبتسم وانا محترق ليش وايش الي صار لها البنت هاذي ليش مقلوبه علي ...

[[] E j R a M []]

بعد الي شتفه منها اليوم كنت ابي انجن وهيه مقابلتي ببتسامة

هاذا الي خلاني انجن

المشكله اني ما كنت عارف ايش السالفة

وليش وايش سبب الهدية

سألتني وقالت سعد ايش فيك كذا قولي

قلت لها وانا ما احس بنفسي بعد الي سويتيه وباقي بعد مبتسمه

قالت انا شنو سويت ما سويت شي انا قولي ايش المشكله ؟

قلت مافيه شي اتركيني في حالي الحين ماني رايق متضايق شوي

قالت متضايق شوي ؟ افا ليش عسى ما شر فيه شي قوله لي ولا نسيت من اكون بالنسبه لك ؟

قلت لا ما نسيت بس ما ادري مافيني شي امل بالله قومي خليني في حالي شوي

وافقت امل وابتسامتها باقي على وجهها

وطلعت مع الباب

حسيت اني بموت من القهر بديت اخلص معاملات المدير بشكل غير طبيعي مو من العادة اني اخلص كل المعاملات من دون ما ادري ما كنت ادري ان الغضب سيطر علي سيطرة كامله

شوي دق الباب

وقلت بصوت يدل على الضيقه

نعم

صوت بنت عند الباب سعد ممكن ادخل

قلت اوكيه تفضلي

اتضح انها وحدة من الممرضات الي يشتغلون مع امل في المستشفى

قلت امري بغيتي شي

قالت ايش فيها امل طلعت تبكي من عندك ؟

انا يوم قالت كذا تغير كل شي فيني وصرخت وقلت ايش ؟

وطلعت من الغرفة وانا مثل المجنون ادورها واقول وينها وينك يا امل

وفي الاخير لقيتها عند الكول سنتر الخاص بالمستشفى وكان شكلها مره حزين

ما شفت امل على الحالة هاذي من قبل

جيت جنبها وناظرت في عيونها طلعت مني عبارة ما حسيت بخروجها من قلبي

قلت امل انا احبك

غمضت عيونها وقالت لي قلها مره ثانية

قلتها ثلاث مرات متتابعة

ومسكت يدها وقلت انا اسف يا امل بس يوم شفتك مع الدكتور هذاك ................................ وهاذا كل ما في الموضوع

ضحكت وقالت طيب ليش زعلان هم يحتفلون لأنهم عارفين اني انا وانت انخطبنا عادي ايش صار يعني

ضحكت وقلت هذا هو السبب

قالت ايه نعم بعدين الزعل مو زين عليك شفت ايس سويت فيني خليتني احزن ليش يا سعد

قلت والله من غيرتي عليك ما احب احد يكلمك ولا حتى يناظر لك لا تلوميني

ضحكت ورجعت ابتسامتها الرائعة تلك الابتسامة الي ما تنسى لو مرت الايام والسنين

رحت لمكتي وكان شي من القهر راح مني وبديت افكر ليش سويت كذا فيها البنت ما سوت شي ضحكت وقلت لو اسويها مره ثانية اذبح نفسي

مرت ثلاث ايام على الحادثة اسميها حادثة بسبب اني شفت امل حزينه امل الي ما تعرف الحزن الي ما شفت حزنها من قبل اشوفها حزينه هاذي اكبر حادثة مرت علي

جاني اتصال من شخص ما اعرفة قلت يمكن واحد يبي المدير سألته وقلت امر اي خدمة

قالي انت سعد ؟

قلت ايه نعم انا سعد امر اي خدمة ؟

قالي ايه ابي خدمة منك

قلت امر

قالي ابيك تبعد عن امل اذا ممكن انا عارف انك خطيبها لاكن ما اسمح لك انك تاخذها مني

انا يوم سمعت الكلام هذا انجنيت وقلت بصوت مرتفع انت مين ؟

قالي مالك شغل ابعد عنها وبس احسن ما يسير شي ما يعجبك

انا انجنيت وبغيت اموت من الحرقة

وطلعت ولقيتها وناديتها على شان تجي المكتب

وجات ودخلت وابتسامتها البريئة باينه على وجهها

قلت امل انا تعودت منك الصراحة ولا ابي منك الا الصراحة

قالت اكيد حبيبي امرني وانا اقولك كل الي تبيه

قلت امل انتي تعرفين احد من قبل ؟

قالت اشلون ؟

قلت تعرفين احد من قبل اعترفي

قالت ايش قاعد تقول يا سعد ايش قاعد تقول انت سعد مافيه احد دخل حياتي الا انت سعد مافيه احد احبه الا انت اشلون تقول الكلام هذا ليش يا سعد

قلت انتي خاينة ليش يا امل تسوين كذا ليش تخونيني مع انسان ثاني ؟

قالت سعد لا تقول كذا خلي ثقتك فيني كبيرة والله ما اعرف احد اغيرك ولا ابي اعرف احد غيرك انت بس في حياتي ولا احد راح يدخل حياتي الا انت ما ابي احد يا سعد ما ابي والله ما خنتك مع احد ولا فكرت اني اخونك ليش تضلمني يا سعد

انا الي لاحظته ان امل وجهها تغير وقامت ترتجف وهذا الي زادني قهر

وقلت لها انتي خاينه ليش خنتيني واحد اتصل علي وقالي انك كنتي تحبينه واني لازم اتركك ولا راح يكون فيه مشكله كبيرة من يكون هذا اشلون عرف رقم المكتب ؟

قالت وعيونها تنهمر منها الدموع سعد وربي ما اعرف احد غيرك انت خطيبي ما اقدر اسوي شي الا وانت عارف اي شي اسويه اجي اقولك ايش الي سويته حرام عليك يا سعد

شوي ومن دون شعور طلبت منها تطلع برى ما ابي اشوف وجهها

صرخت فيني وقالت سعد لا يا سعد

قلت اطلعي براااا ما ابي اشوف وجهك

طلعت امل وعلامات الحزن على وجهها وكأنها تقولي هذي اخر مره تشوفني فيها حرام عليك

طلعت من هنا وانا جلست على المكتب شوي

الا داخله علي وحدة من صديقاتها وتصرخ سعد امل قوم

ما فهمت منها شي قلت ايش فيك

قالت امل امل يا سعد امل طاحت في الممر

انا من الخوف قمت ونطيت من فوق المكتب ولا همني شي وتقها الا هيه

رحت ادورها في الممرات ولا لقيتها شوي الا وأقابل الدكتور الي ما ادانيه ومسكني مع يدي وقالي سعد

قلت وخر ماني رايق لك يا دكتور مو وقته

قالي سعد امل في العناية

قلت ايش

قالي في العناية

امل قلبها ضعيف يا سعد وما تتحمل اي ضغط عليها

قلت انا ايش قاعد تقول انت ومسكت الدكتور مع اللباس حقة وعلى الزاوية وقمت اصرخ في وجهه امل مافيها شي امل مافيها الا العافية

قالي لا امل ماهي تمام امل كانت تتمنى تكون معها دايم بس انت الله يهديك عصبيتك ما تخليها

قلت اشلون ايش تقصد

قالي امل تمر بمرحلة صعبة جداً الان

روح وبعدين تعال وانا اقولك كل شي ان شاء الله

قلت لا بقعد هنا ماني طالع من هنا الين اعرف ايش فيها

قالي براحتك لاكن ما راح تشوفها الا بعد ما نتأكد انها مرت من مرحلة الخطر

قلت خلوني اشوفها ارجوكم

قالي لا الحين ما نقدر خليها وقت ثاني ما عليك راح تشوفها

وتركني ودخل الغرفة الي فيها امل

شوي جاني المدير وقالي سعد

قلت سم

ولا ادري الا بذاك الكف الي جا على وجهي

وقالي تعرف ليش اعطيتك كف ؟

قلت ايه نعم طال عمرك عارف

قالي ليش سويت كذا يا سعد مو قلتلك امل هاذي مريضة مو حذرتك ليش تسوي كذا ايش الي جاك انت ؟

قلت اغار عليها

قالي تغار تسوي فيها كذا قبل لا تسوي شي تأكد على شان ما يسير فيها مشاكل بعدين

قلت انا اسف طال عمرك وربي ما قدرت اتحمل الموقف وبديت ابكي

وحط يده على كتفي وقالي لا تحزن امل قوية ما عليك ان شاء الله راح تتحمل اكثر

قلت ان شاء الله

قالي خلاص روح البيت الحين وبكرة تعال ان شاء الله يحلها الف حلال

قلت ان شاء الله

رحت البيت

بس ما عرفت انام الصراحة

حاولت بس المشكله اني ما قدرت باقي افكر فيها باقي فيه شي يقولي ما راح تنام لانك سويت كذا فيها

كنت اتمنى الساعات تنقضي بسرعة على شان بس اقدر اشوفها بكرة مثل ما ووعدوني

ومرت الساعات والدقائق الين ما جا الوقت

لبست وعلى طول السيارة وعلى طول المشفى

واول ما دخلت لقيت المدير طالع من غرفة احد المرضى

وقالي وهو مبتسم امل في انتظارك

انا من سعادتي ما شفت شي على طول رحت دخلت واول شي سويتها ضميت يدها وبديت ابكي واقول لا يا امل ما كنت اقصد انا اسف صدقيني انا اسف ما كنت ابي يسير الي يسير بس انا اغار عليك

وأمل نايمه ما تتحرك

انا قلبي كل ما شفتها يعورني اكثر واقول انا مغفل اني سويت فيها كذا حرام علي والله اشلون اشك في اغلى انسانه في حياتي ومن الي دق علي هذا ؟

بدأت التسائلات تدور في ذهني لاكن ما طال الوضع على طول تغير

شوي حسيت اني محتاج انام يوم شفتها

نمت ويدها كان جنبي وحطيت راسي على طرف السرير ونمت

فجئة

حسيت بصوت رقيق صوت تعودت اني اسمعه دايم

سعد سعد ايش قاعد تسوي هنا سعد يالله قوم

اول ما فتحت عيني فتحتها على ابتسامتها

ابتسامتها الي ما أقدر اعيش من دونها

ذيك الابتسامة الي غيرت حياتي بعد الله

وصاحبة الابتسامة الي ملكتني بروحها الحلوة وقلبها الطاهر وحنانها واهتمامها

حظنت يدها وقلت انا اسف امل انا اسف

قالت على ايش

تخيلو قالت لي على ايش

قلت على الي سويته فيك انا اسف ما كنت اقصد بس انا احبك واغار عليك على شان كذا سويت الي سويته

قالت اها طيب ما عليك عادي ما صار اي شي ان شاء الله خير

وضحكت

انا ابتسمت وقلت اشلونك الحين

غمضت عيونها وقالت انا الحمد لله تمام انت اخبارك ؟

قلت امل ليش غمضتي عيونك قوليلي ايش فيك ؟

قالت ابد حبيبي مافيني الا العافية ما عليك حبيبي روح ارتاح مافيني الا العافية

قلت ما اقدر اخليك الحين لازم اكون معاك

قالت لا عادي ما عليك صديقتي راح تهتم فيني لا تخف سعد روح ارتاح

طلعت من عندها ومن كلماتها حسيت اني متطمن عليها

وفي الليل وفي وقت متأخر

رن الجوال

وانا نايم

وصحيت على رقم غريب اول مره اشوفه

رديت وقلت الو

رد علي صوت يجهش بالبكاء

قلت من معاي ايش فيك انت تستهبل

قالي سعود

قلت لا ياخي انا اسمي سعد

قالي سعد سعود مافرقت اذا يهمك امر امل تعال المشفى الحين

قلت من انت

قالي انا ابو امل

قلت اشلون

قالي انا ابو امل اذا يهمك امرها تعال

قلت خير ايش فيك تبكي

قالي امل يا سعد امل توفت

قلت انا ايش تقول انت مجنون

قالي امل راحت يا سعد وبدا يبكي وتقفل الخط

انا من الخرعة طلعت للسيارة بالبجامة ورجعت لبست الثوب ورحت على طول للمستشفى

اول ما دخلت اشوف المدير حاضن ابو امل ويقوله كلنا لها

انا ول ما سمعت الكلمه هاذي انجنيت

سألت مديري وقلت امل وينها

قالي سعد انت أنسان مأمن صح ؟

قلت مالك شغل فيني امل وينها بسرعة

قالي امل توفت توفت امل يا سعد وبدى يبكي

انا من هول ما سمعت انجنيت سرت اقول امل ما ماتت امل باقي حية

ورحت اركض على شان اشوف مكانها ابي اروح اشوفها قبل لا ياخذونها بعيد عني

فات الاوان راحت امل

امل اختفت من حياتي

سرت مثل المجنون اضحك وابكي واضحك وارجع ابكي واصرخ امل ليش تتركيني يا امل وانا بحاجتك ليش يا امل

مرت ذكرياتها في حياتي تذكرت ابتسامتها تذكرت صوتها العذب رقتها وحنانها يالله كانت اروع انسانه في حياتي ما كنت اتوقع ان القدر يسوي كل هذا فرق بيني وبين انسانه كانت راح تكون زوجتي ونعيش انا وياها اجمل ايام حياتنا

بس آآآآآآآآآآآه يا قلبي ماتت وتركتني لوحدي

ماتت من دون ما تودعني

لاكن ما ادري هل اعاتب نفسي او من اعاتب

هل انا السبب في موتها

هل انا من جعلها تختفي من حياتي كذا

هل راح اقدر القا انسانه مثلك ومل روعتك في هذا الكون الوسيع وكيف اقدر اعيش معها وانا عشتها معاك وحياتي معاك كانت اجمل ايام حياتي ؟



هاذي قصتي مع امل

كان في مطلعها ابستامة وفي نهايتها

ابتسامة .

[غمـ الكون ـوض]

اه منك حرام والله قصة تقطع القلب

الله يرحمها

لا عاد تجيب قصص نهايتها موت

لكـ فائق شكري وتقديري

[[] E j R a M []]

أيه ما عليك بجيب قصة ان البنت تخرجت وسافرت وماتت في الطيارة

هههههههههههههههههههههههههههههههههههههههههه

يسلملي المرور الحلو ياحلو