عذب المعاني
26-05-2008, 10:16 AM
]{ أسألك بالله يا بوي لا تبكيني ,,,
يا بوي ليه تبكي كل ما شفتك وعينك لي
أخاف أموت يا بوي وقبل الموت تبكيني
كفى يا بوي لا تبكي وأنا موجود معك وحي
أجل بعد الرحيل شلون في قبري تغطيني
يا بوي لو تموت الناس ما تسوى دموعك ذي
وأنا يا بوي ميت قبل أموت وأنت محييني
قسم بالله يا بوي لأجل عيونك شربت الغي
شربت الهم والحرمان وبحر الويل يسقيني
تحملت السنين اللي طوتني في عذابي طي
وصار الجمر بكفوفي وتحت أقدام رجليني
يا بوي ما على عمري حسافة ولا بقى فيه شي
ولكن بطلبك يا بوي تكفى لا تخليني
يا بوي ما أبي غيرك يغسل جثتي بالمي
وتكفى قبل لا تكفني يا بوي تفك لي عيني
بأمر الله يمكن ألمحك وأرحل بعيني ضي
وأودع وجهك الطاهر مع دنياي وسنيني
وخل الناس تحملني وترفع رأسي ورجلي
وتأخذني على قبري وتكسب أجرها فيني
واذا جيت القبر يا بوي نزلني شوي شوي
ووجهني لبيت الله وقبلة المصليني
واذا تقدر أبي صورتك أمانة حطها في ايدي
لعل الله يشفع لي اذا صورتك في ايديني
وحط الطين وادفني وعز اللي يعزي في
ثلاث أيام يا بوي يجونك المعزيني
ورابع يوم يا بوي تذكر ضحكتي وعني
تذكر وش كنت أقول يوم انك تناديني
تذكر يوم كنت أنام في ظل النخل والفي
تجي يمي تصب الماء على وجهي تصحيني
تذكر جرت الموال وصوت ( ن ) في حباله كي
تذكر يوم أغني لك قصيدي وأنت توحيني
تذكر ضحكتك لا قلت لك يا بوي عشقي هي
تذكر كم قصيدة خافية ما بينك وبيني
تذكر كل شيء كان واذكر يوم اني حي
ولكن أسألك بالله يا بوي لا تبكيني
مح تحياتي: عذب المعاني
يا بوي ليه تبكي كل ما شفتك وعينك لي
أخاف أموت يا بوي وقبل الموت تبكيني
كفى يا بوي لا تبكي وأنا موجود معك وحي
أجل بعد الرحيل شلون في قبري تغطيني
يا بوي لو تموت الناس ما تسوى دموعك ذي
وأنا يا بوي ميت قبل أموت وأنت محييني
قسم بالله يا بوي لأجل عيونك شربت الغي
شربت الهم والحرمان وبحر الويل يسقيني
تحملت السنين اللي طوتني في عذابي طي
وصار الجمر بكفوفي وتحت أقدام رجليني
يا بوي ما على عمري حسافة ولا بقى فيه شي
ولكن بطلبك يا بوي تكفى لا تخليني
يا بوي ما أبي غيرك يغسل جثتي بالمي
وتكفى قبل لا تكفني يا بوي تفك لي عيني
بأمر الله يمكن ألمحك وأرحل بعيني ضي
وأودع وجهك الطاهر مع دنياي وسنيني
وخل الناس تحملني وترفع رأسي ورجلي
وتأخذني على قبري وتكسب أجرها فيني
واذا جيت القبر يا بوي نزلني شوي شوي
ووجهني لبيت الله وقبلة المصليني
واذا تقدر أبي صورتك أمانة حطها في ايدي
لعل الله يشفع لي اذا صورتك في ايديني
وحط الطين وادفني وعز اللي يعزي في
ثلاث أيام يا بوي يجونك المعزيني
ورابع يوم يا بوي تذكر ضحكتي وعني
تذكر وش كنت أقول يوم انك تناديني
تذكر يوم كنت أنام في ظل النخل والفي
تجي يمي تصب الماء على وجهي تصحيني
تذكر جرت الموال وصوت ( ن ) في حباله كي
تذكر يوم أغني لك قصيدي وأنت توحيني
تذكر ضحكتك لا قلت لك يا بوي عشقي هي
تذكر كم قصيدة خافية ما بينك وبيني
تذكر كل شيء كان واذكر يوم اني حي
ولكن أسألك بالله يا بوي لا تبكيني
مح تحياتي: عذب المعاني