لا لميس ولا مهند

[دالي الرياض]

لا لميس ولا مهند فيهـم الحسـن الفريـد
شفت انا اجمل مٍنًهم في بـلادي ياغشيـم
(السعوديه) حلاهـا زايـد بوصفـه عديـد
من مواطيها لخصلة جيدهـا قمـة نعيـم
وانت هرجك اقصره وانصحـك لا لا تعيـد
دام شينك مبتليـك مـن اصولـك يافهيـم
ياخساره ضاع فعلك وانت في حكيك بليـد
من برامـج واطيـه حدهـم فعـلٍِ هزيـم
لاتعمـم دام عينـك ماتشـوف الا البعيـد
والقريب بمحزمك شيـن بوصافـه عديـم
منبطح يومك وليلك عند شاشه مـن حديـد
صرت مثل البنت تحكي عن مسلسل يالرخيم
راحت ايام النشامـا فعلهـم نـار وبريـد
لاحكو حكي بمجالس رعدهم يبـرق بغيـم
اعقل وخلك رزين وبالحكـي خلـك زهيـد
لاتوضح للي حولك إن مـن جنبـك هريـم
فكر بهرجك قبل يظهر ومـن فمـك يزيـد
تحتقرك الناس تهرب تبتلش تصبح غريـم
وإنتي يالبنت الدنيه صرتي تتسمـي جديـد
لعنبو قلبك رخيصه تغيّري المبداء القديـم
لو تغيري ماتغيري رسمك بوجهـك عتيـد
الملاغه في للسانك شينه من بـد الحريـم
دام شينك محتويك اسكتي ولا مـن جديـد
وش مهند وش حلاتـه لاتعيـدي يـا(...)
لا مهند ينفعـك لا طقـك الشـوق العنيـد
ولا لميس بتنفعك لا ثار شوقـك يالحليـم
ديرتي فيها الملامح حور ذا علمي الاكيـد
لا لميس ولامهنـد جعلهـم نـار الجحيـم



منقول

[اميرة الورد]

ررررررررروعه

يعطيك العااافيه

وصح لسااانك

[بنت الخبر]

الله يخلينا شباب السعوديه وبنات السعوديه

والله شبابنا احلا من مهند واشكاله بمية مرررررره
وكذا لك لميس وش تسوا عند بنات السعوديه



لا لميس ولا مهند فيهـم الحسـن الفريـد
شفت انا اجمل مٍنًهم في بـلادي ياغشيـم
(السعوديه) حلاهـا زايـد بوصفـه عديـد

ثانكس ع الموضوع

تقبلي مروري

[دالي الرياض]

اميرة الورد صح بدنتس يسلمو على المرور

[دالي الرياض]

بنت الخبر صح لسانتس وكلامك صح 100 بال100 مشكوره يعطيك العافيه

[أمير الشمال]

كفو يدالي مو غريب عليك الابداع تسلم يمينك

بنت الوطن يابشر محد مثيله
مافيه داعي نقارنه بالغريبات


كله حلى واخلاقها مستحيله
انا اشهد انه سيده للجميلات




الف شكر دالي دمتي بالف عافيه

[دالي الرياض]

امير لاشكر على واجب يسلمو على المرور