قصــــيدهـ أرعبتـــني ,,!!

[مــرقــووق..]

من جديد .. بالصراحه حبيت انقل لكم قصيدهـ بالصراحه أرعبتــــني بأبياته وحبيت انقل لكم ..

واليكم القصيدهـ ..

من بغى الفرقا لقى له عذر واسباب ودليل
خل عنك العذر والاسباب دام الحب ضاع
كان ودك بالفراق ابشر عسى عمرك طويل
لاتردد وانت لك كلمه وامــــــــــرن. مطاع
لي عليك انك تبت بكلمتن تشفي الغليل
علي اني لأوقف وقفه الرجــــل الشجاع
لاتجاملني مخافه (قال)مدري خوف (قيل) ..
عمر هرج الناس مايسمن ولايغني جياع
كان قصدك سر حبك اوعدك لأصبح بخيل
واحمل اسرارك معي للموت قدر المستطاع
بس قلها قل ماحبك وابشر بصبرن جميل
لاتحسبني مثل من طبعهم لوي الذراع
صاحبك ماهو كذا ياصاحب القد النحيل
صاحبك طبعه غريب وغربته غربه طباع
فالهوى مايقبل الحل الوسط ولا القليل
مثل ماهو لاشرى يشري وليا من بــــاع بااااااع
ثابت لو هي تميل الارض تحته مايميل
يدري ان الفقـــر ماهو عيب والدنيا متاع
ماعشق لذة حياته كثر عشق المستحيل
ولاكرة حتى مماته كثر كرة الانصــــياع
كم تعلم من شديد البدو وش معنى الرحيل
وكم تعلم من غروب الشمس وش معنى الوداع
وكم تعلم من سحاب الصيف وش معنى الحصيل
وكم تعلم من ليال البــرد وش معنى الضياع
ايه انا هذا طريقي (موحش ..وصعب.. وطويل..)
وانت لامنك تبعت العالم فجـــــــوجه وساع
اعتبرني في بداية سكتك عابر سبيل
ورح وانا قلبي معك من وين وجهت الشراع
‏‏(؛يكفي اني لاذكرت في سالفه عشاق قيل
عاشر احبابه شجاع ..وفراق احبابه شجاع

[اميرة الورد]

تسلم يمينك وصح لسااانك

رروعه

تقبل مروري

[دالي الرياض]

يسلمو على النقل خيو مرقوق تقبل مروري

[أمير الشمال]

تسلم يمينك وصح لسانك ولسان شاعرها

روووووووووووووووعه يخليك ربي

دمت بالف عافيه

[غمـ الكون ـوض]

قصيدة رااائعة


صح لسان قايلها

وتسلم يمين ناقلها


العذبة

[مــرقــووق..]

أمـــــــيرة الورد,, دالـــــي الرياض,,أمير الشمال,, العــــذبه,,

تسلم أياديـــكم ويعطيكم العافيه ,, على المرور ,,