بخيت
07-08-2008, 06:09 AM
السلام عليكم
هذي كانت لي سالفة طويلة ومشهورة كل ماهذا تنتشر بكل انحاء حايل والحين ماشاء الله وصلت من جبل اجاء لما تاصل بين حايل والجوف 150 كله الاماكن هذي يدرون بقصتي
عاد المهوم هكا السنة كنت شباب وللحين وانا شباب كل بنتن تمنانن عاد الاولين ماعندهم مواتر يكون بعلمك ماهو مثل الحين ايه ايه لازم تدرون بلمعلومة
ايه صح ابي اذكركم ان الناقة اكثر بركة من السيارات السيارة تشفط منك بنزين على غير سنع اما الناقة توصلك للمكان الي تبي ولاتقطع بنزين حتى لو بغيت شورما اذبح ناقتك وقطعه على ماتبي ولابعد لاعطشت ابد عندك من حليب الناقة ابد كل لاوزمك واكلك وشربك بهناقة
وعاد نبي ندخل بسالفة طوالي
انا نوعا ماء اتهور وادخل اماكن مغمورة محد يجيه ابد يعني اجازف وكان معي رجالن الله لايذكرة بلخير اصبروا ابي اجيب صورتة اطلعه من بشتي
هذي الصورة قريب لوجة هرجال بس الي بصورة ونعم به بس خويي شبيه له
http://farm3.static.flickr.com/2262/2497075715_ee0cc4f6b3.jpg
عاد هرجال يوم فتل شنباته وحط الفشق بكتفه شاف نفسه وين يحسب انه من حقين الجموس الي يجبون اشياء صغيرة واكياس وعلب وبضائع من العراق هكا السنة
قلت يافلان
قال سم طال عمرك
قلت تخاوي
قال على يدك
قلت يالله مشينا للحرة
قال هاه هاه
قلت وين الي يقول على يدك
قال يالله توكلنا على الله
عاد شلة عزبتي والشاهي والقهوة وشبيناه للحرة عاد انا كنت امشي بناقتي وهو على جمس قريب لخشت ناقتي
ويوم وصلنا الحرة يقولون كفانا شر مايقولون
قلت يافلان نبي نشب نارنا هنا ومن ثم ننام ونعين من الله خير ولاجاء باتسر الصبح نبي نتصيد
قال الي تشوفه
ويوم جلسنا بلحرة بهكا الظلام الي مابه احد لاحس ولابس ولا حتى اوادم
وانا اشب ناري
http://farm4.static.flickr.com/3146/2608846312_e503f2dc02.jpg?v=0
ويجلس معي رفيقي يمار تقل له خرفشه وانا عاد تارونن عندي فراسة اشوف كل شي حتى بليل وعاد يوم جلسنا لنا ربع ساعة وهو بجنبي الرجال وانا اشوف عيون ذيب من بعيد
http://www.midadulqalam.info/midad/uploads/Image/dokbilder/Na_007_Wolf.jpg
وعاد انا مامعي سلاح وانا اقمز قلت الذيب الذيب وين بارودك قال وينه وينه وانا احط رجلي واسمعه يدعينن قلت وش تبي الذيب راعله قرب قال اصبر سروالي طاح وانا اجي واهبه واجدعه بحوض الجمس واخض رشاشة واطلع سيفي ويجي لمي الذيب واقعد ابارزه شوين ويشقلن الذيب واقوم عليه واعصب الدعوى جد وانا اطخه مع علباه وهو يفطس واروح لرجال والقاه بلحوض مسويه الله يكرمكم بلحوض
وانا اقول يافلان نم نم انت مايعتمد عليك ابد واجيب الفراش واغطيه ونام بحوض الجمس وانا جالس عند ناري واخذ شوين والا يجينن اكا الذيب الثاني وينط علي بلغدر وانا امسكه مع راسه واشويه وهو حي وهو يفطس واخذ فراشي وانام ويوم اصبح الصبح
وانا احمس قهوتي واقوم رفيقي الا هو نيم مثل الشباب التالي لانام ماقام تسنه الماطي وعاد انا رجالن صبور احتريته لما قام حول العصر ويوم قام قلت يافلان شف وش صدت وانت نيم يهلخسيس
http://www.alganasah.com/test/up/k/p1.jpg
قال الخسيس هذا انا الي صدته
قلت ايه ايه واضح
قلت يالله لحايل لاشوفك تمشي معي ويوم مشينا لحايل يمار به طلحه
http://www.al-nadem.com/vb/uploaded/6935_1175025720.jpg
اتلمس ارض الطلحه يمار لينه واحفره ولقيت حاجة غريبة مدفونة تحت الطلحه قمت خذيته بوجهي لحايل بعدين اجيب لكم صور عنه
هذي كانت لي سالفة طويلة ومشهورة كل ماهذا تنتشر بكل انحاء حايل والحين ماشاء الله وصلت من جبل اجاء لما تاصل بين حايل والجوف 150 كله الاماكن هذي يدرون بقصتي
عاد المهوم هكا السنة كنت شباب وللحين وانا شباب كل بنتن تمنانن عاد الاولين ماعندهم مواتر يكون بعلمك ماهو مثل الحين ايه ايه لازم تدرون بلمعلومة
ايه صح ابي اذكركم ان الناقة اكثر بركة من السيارات السيارة تشفط منك بنزين على غير سنع اما الناقة توصلك للمكان الي تبي ولاتقطع بنزين حتى لو بغيت شورما اذبح ناقتك وقطعه على ماتبي ولابعد لاعطشت ابد عندك من حليب الناقة ابد كل لاوزمك واكلك وشربك بهناقة
وعاد نبي ندخل بسالفة طوالي
انا نوعا ماء اتهور وادخل اماكن مغمورة محد يجيه ابد يعني اجازف وكان معي رجالن الله لايذكرة بلخير اصبروا ابي اجيب صورتة اطلعه من بشتي
هذي الصورة قريب لوجة هرجال بس الي بصورة ونعم به بس خويي شبيه له
http://farm3.static.flickr.com/2262/2497075715_ee0cc4f6b3.jpg
عاد هرجال يوم فتل شنباته وحط الفشق بكتفه شاف نفسه وين يحسب انه من حقين الجموس الي يجبون اشياء صغيرة واكياس وعلب وبضائع من العراق هكا السنة
قلت يافلان
قال سم طال عمرك
قلت تخاوي
قال على يدك
قلت يالله مشينا للحرة
قال هاه هاه
قلت وين الي يقول على يدك
قال يالله توكلنا على الله
عاد شلة عزبتي والشاهي والقهوة وشبيناه للحرة عاد انا كنت امشي بناقتي وهو على جمس قريب لخشت ناقتي
ويوم وصلنا الحرة يقولون كفانا شر مايقولون
قلت يافلان نبي نشب نارنا هنا ومن ثم ننام ونعين من الله خير ولاجاء باتسر الصبح نبي نتصيد
قال الي تشوفه
ويوم جلسنا بلحرة بهكا الظلام الي مابه احد لاحس ولابس ولا حتى اوادم
وانا اشب ناري
http://farm4.static.flickr.com/3146/2608846312_e503f2dc02.jpg?v=0
ويجلس معي رفيقي يمار تقل له خرفشه وانا عاد تارونن عندي فراسة اشوف كل شي حتى بليل وعاد يوم جلسنا لنا ربع ساعة وهو بجنبي الرجال وانا اشوف عيون ذيب من بعيد
http://www.midadulqalam.info/midad/uploads/Image/dokbilder/Na_007_Wolf.jpg
وعاد انا مامعي سلاح وانا اقمز قلت الذيب الذيب وين بارودك قال وينه وينه وانا احط رجلي واسمعه يدعينن قلت وش تبي الذيب راعله قرب قال اصبر سروالي طاح وانا اجي واهبه واجدعه بحوض الجمس واخض رشاشة واطلع سيفي ويجي لمي الذيب واقعد ابارزه شوين ويشقلن الذيب واقوم عليه واعصب الدعوى جد وانا اطخه مع علباه وهو يفطس واروح لرجال والقاه بلحوض مسويه الله يكرمكم بلحوض
وانا اقول يافلان نم نم انت مايعتمد عليك ابد واجيب الفراش واغطيه ونام بحوض الجمس وانا جالس عند ناري واخذ شوين والا يجينن اكا الذيب الثاني وينط علي بلغدر وانا امسكه مع راسه واشويه وهو حي وهو يفطس واخذ فراشي وانام ويوم اصبح الصبح
وانا احمس قهوتي واقوم رفيقي الا هو نيم مثل الشباب التالي لانام ماقام تسنه الماطي وعاد انا رجالن صبور احتريته لما قام حول العصر ويوم قام قلت يافلان شف وش صدت وانت نيم يهلخسيس
http://www.alganasah.com/test/up/k/p1.jpg
قال الخسيس هذا انا الي صدته
قلت ايه ايه واضح
قلت يالله لحايل لاشوفك تمشي معي ويوم مشينا لحايل يمار به طلحه
http://www.al-nadem.com/vb/uploaded/6935_1175025720.jpg
اتلمس ارض الطلحه يمار لينه واحفره ولقيت حاجة غريبة مدفونة تحت الطلحه قمت خذيته بوجهي لحايل بعدين اجيب لكم صور عنه